Kina nis stërvitjet ushtarake në “paralajmërim të ashpër” ndaj Tajvanit pas vizitës në SHBA

Kina ka nisur stërvitjet ushtarake ajrore dhe detare rreth Tajvanit, duke thënë se stërvitjet ishin një “paralajmërim i ashpër për forcat separatiste në shtetin ishull” – një përgjigje që pritej nga Pekini pas një vizite të fundit të nënpresidentit të Tajvanit, William Lai në Shtetet e Bashkuara.

Sipas mediave të huaja, përcjell Telegrafi, Komanda e Ushtrisë Çlirimtare Popullore e cila ka përgjegjësinë për zonën përreth Tajvanit, tha në një deklaratë të shkurtër të shtunën në mëngjes se po kryente patrulla të gatishmërisë luftarake detare dhe ajrore rreth Tajvanit.

PLA destroyers, frigates, missile boats, fighters, early warning aircraft, electronic warfare aircraft, and conventional missile units started to approach and deter Taiwan island from multiple directions in Saturday's joint drills. pic.twitter.com/5Md3Ftxy0e

— Global Times (@globaltimesnews) August 19, 2023

Komanda lindore tha se stërvitjet u përqendruan në koordinimin anije-aeroplan për të testuar mbajtjen e kontrollit të hapësirës ajrore dhe detare dhe për të testuar aftësitë luftarake.

“Aftësia e forcave të armatosura për të luftuar në kushte reale luftarake do të testohet”, tha një zëdhënës i komandës lindore për Xinhua të Kinës.

Ministria e mbrojtjes e Tajvanit dënoi shpejt stërvitjet, duke thënë të shtunën se do të dërgonte forcat e duhura për t’u përgjigjur dhe se kishte aftësinë, vendosmërinë dhe besimin për të garantuar sigurinë kombëtare. /Telegrafi/