Kim Kardashian shijon një akullore rrugëve të Italisë, teksa kalimtarët e fotografojnë nga mbrapa

Kim Kardashian tregoi figurën e saj trupore në një kostum të ngushtë, teksa doli për një akullore në Portofino, Itali të dielën.

Yllit 41 vjeçe, iu bashkua vajza tetëvjeçare North dhe mbesa Penelope, nëntë vjeçe, ndërsa udhëtonin me varkë për në qendër të qytetit, shkruan DailyMail.

Kjo vjen ndërsa familja po përgatitet për martesën ekstravagante të motrës së Kimit, Kourtney me Travis Barker në qytetin italian këtë pasdite.

Bukuroshja kishte veshur një palë pantallona gri shumë të ngushta me një model dantelle dhe detaje paneli, së bashku me një bluzë korseje të përshtatshme.

Lexo po ashtu Kim Kardashian fotografohet duke ecur zbathur dhe me varësen në formë kryqi nëpër qytet

Flokët e saj bionde ishin stiluar në një topuz të thjeshtë, me disa fije të mbetura që binin mbi fytyrën e saj.

Kim e mbrojti fytyrën e saj me një palë syze dielli elegante të zeza, duke i shtuar veshjes së saj një gjerdan të trashë në formë kryqi.

Kim mbajti duart e Northit dhe Penelopes gjatë shëtitjes, ndërsa vajzat shijuan një udhëtim jashtë.

Treshja dukeshin në humor të mirë teksa shëtisnin në Portofino, secili me nga një korrnet të akullores në dorë.

Ato u fotografuan nga paparacët duke lënë shtëpinë e tyre luksoze ndërsa po shkonin në shëtitje, përpara se të hipnin në një varkë që do t’i çonte në fshat.

Atyre iu bashkua një shoqërues në varkë, ndërsa vendasit në Portofino shkrepën disa fotografi të familjes së famshme gjatë shëtitjes së tyre. /Telegrafi/