Kim Kardashian shfaqet nudo në kopertinën e revistës “Allure”, ndërsa flet për papërsosmëritë e saj

Kim Kardashian bëri një seri fotografish mahnitëse dhe foli çiltërsisht për pranimin e papërsosmërive të saj në intervistën e re për “Allure”.

41-vjeçarja shfaqi fizikun e saj të lakmueshëm duke pozuar nudo për kopertinën e revistës, shkruan DailyMail.

Ajo theksoi tiparet e saj të mrekullueshme me një prekje dramatike të rimelit dhe një buzëkuq ngjyrë krem, ndërkohë që i kishte stiluar flokët e saj bionde në stilin gërsheta të gjata deri në dysheme.

Duke folur për edicionin e muajit gusht të revistës “Allure”, Kim foli për pranimin e papërsosmërive të saj, duke thënë se edhe pse ende ‘përpiqet’ të jetë perfekte, ajo është në paqe me veten.

Lexo po ashtu Kim Kardashian frikëson njerëzit, duke fshehur fytyrën e saj pas një maske të zezë në Javën e Modës në Paris

Ajo gjithashtu tregoi sinqerisht se i ‘urren’ duart e saj dhe u tregua e hapur për mbushjet me botoks, duke pranuar si diçka të tillë e ka aplikuar në ballë.

Kim këmbënguli se ajo aktualisht nuk ka asnjë mbushje në buzët apo faqet e saj, përpara se të shtonte: “Asnjëherë nuk i kam mbushur asnjërën, kurrë”.

Duke folur për mënyrën se si ka punuar për të pranuar veten, Kim shpjegoi se tani e konsideron shëndetin e saj më të rëndësishëm se çdo gjë tjetër.

Kim vazhdoi: “Jam në paqe që nuk jam perfekt dhe nuk kam qenë e tillë më parë, i urrej duart e mia – ato janë të rrudhura dhe të rënda”.

Ajo tha se i intereson të duken mirë më shumë se ’90 për qind’ e njerëzve dhe tha se i kalon mbrëmjet duke bërë regjimin e saj të bukurisë dhe trajtimet me lazer, edhe pas një dite të zënë duke u kujdesur për katër fëmijët e saj – North, nëntë vjeçe, Saint, gjashtë vjeç, Chicago, katër vjeçe, dhe Psalmi, tre vjeç.

Kardashian në këtë fotosesion për revistën “Allure” u shfaq me një makijazh të veçantë të realizuar nga miku i saj i besuar, grimeri shqiptar Mario Dedivanoviç. /Telegrafi/