Kewell: Liverpooli ka nevojë edhe për një sulmues tjetër të klasit botëror

Ish-lojtari i Liverpoolit, Harry Kewell ka thënë se Jurgen Klopp duhet të vazhdojë përforcimin e skuadrës dhe ka nevojë edhe për një sulmues tjetër të klasit botëror.

Liverpooli ka investuar tashmë në afatin kalimtar të verës, duke transferuar dyshen e mesfushës, Naby Keita dhe Fabinho.

Edhe portieri i Romës, Alisson, i është bashkuar klubit për një shifër prej 75 milionë eurosh, duke u bërë portieri më i shtrenjtë në histori.

Lexo po ashtu Zyrtare: Alisson i bashkohet Liverpoolit, bëhet portieri më i shtrenjtë në histori

Përveç kësaj, Liverpooli në sezonin e kaluar transferoi edhe Mohamed Salah dhe Virgil Van Dijk për të pasur një skuadër të fortë, por sipas Kewell, klubi ka nevojë edhe për një sulmues tjetër të klasit botëror

“Sezoni i kaluar për Liverpoolin ishte i shkëlqyer. Kjo ishte një paraqitje që definitivisht duhej të fitonte diçka”, ka thënë fillimisht Kewell për Daily Express.

“Por sigurisht që me Manchester Cityn që pati sezonin e jashtëzakonshëm çdo ekip tjetër është lënë në hije. Por, ata [Reds] patjetër po shkojnë në drejtimin e duhur”.

Lexo po ashtu Keita: E refuzova Barcelonën e Bayernin për Liverpoolin

“Treshja e tyre e sulmit është fenomenale, por unë besoj se kanë nevojë edhe për dikë tjetër. Vetëm në rast se diçka ndodh me njërin prej tyre”.

“Kështu që ata kanë nevojë për një sulmues tjetër të klasit botëror”, përfundoi ish-ylli australian. /Telegrafi/