Kevin Durant bëhet lojtari i tetë me më shumë pikë në historinë e NBA

Basketbollisti i Phoenix Suns, Kevin Durant u bë mbrëmë (e martë) vetëm lojtari i tetë në historinë e NBA që arrin të shënojë 30,000 pikë.

Durant ka arritur shifrën e 30,000 pikëve në NBA. Pika erdhi në ndeshjen e Suns, të cilën e humbën në shtëpi nga Memphis Grizzlies me rezultat 119:112.

36-vjeçari arriti momentin historik nga vija e gjuajtjeve të lira, dhe në fund të ndeshjes ai kishte 34 pikë dhe tani është në kuotën e 30,007 pikëve në karrierën e tij.

Kevin Durant becomes the 8th player in NBA history to score 30,000 points.pic.twitter.com/JGMxwIsDBV

— Underdog NBA (@Underdog__NBA) February 12, 2025

Nëse ai qëndron i shëndetshëm, Durant mund të arrijë vendin e dytë deri në fund të karrierës së tij.

Përpara tij janë Wilt Chamberlain (31,419 pikë), Dirk Nowitzki (31,560 pikë), Michael Jordan (32,292 pikë), Kobe Bryant (33,643 pikë), Karl Malone (36,928 pikë) dhe Kareem Abdul-Jabbar (38,387 pikë), dhe ata sigurisht janë të arritshëm.

Kevin Durant has just become the 8th player in NBA history to score 30,000 career points, joining:

LeBron James (41,623)
Kareem Abdul-Jabbar (38,387)
Karl Malone (36,928)
Kobe Bryant (33,643)
Michael Jordan (32,292)
Dirk Nowitzki (31,560)
Wilt Chamberlain (31,419)

(📸 via @NBA) pic.twitter.com/0VXuo7hVaG

— Brett Siegel (@BrettSiegelNBA) February 12, 2025

Megjithatë, nuk ka gjasa që 36-vjeçari Durant të largojë më të mirin nga lista e përjetshme, duke pasur parasysh se bëhet fjalë për LeBron James.

James aktualisht ka 41,623 pikë, dhe duke marrë parasysh se ai ende luan në nivelin më të lartë dhe mund të luajë edhe disa sezone të tjera, është vërtet e vështirë të imagjinohet se dikush do ta rrëzojë atë nga froni në një kohë të afërt. /Telegrafi/