“Kështu vdesin demokracitë”, thotë deputeti i BE-së mes polemikave të intervistës së Putinit

Guy Verhofstadt, ish-kryeministër belg dhe anëtar aktual i Parlamentit Evropian, tha se intervista e Tucker Carlson me Vladimir Putinin është gjëja më e mirë që i ka ndodhur ndonjëherë liderit rus.

“Amerika nesër do të vuajë për përhapjen e gënjeshtrave të pafiltruara të tij. Kështu vdesin demokracitë”, ka shkruar ai në platformën X.

Putin ka dhënë intervistën e parë për një media perëndimore që nga koha kur urdhëroi pushtimin e Ukrainës më 24 shkurt të vitit 2022.

Carlson interview is the best thing that ever happened to Putin.

America tomorrow will suffer from having him spreading lies unchallenged and unfiltered.

This is how democracies die… pic.twitter.com/nbrlkZUbnV

— Guy Verhofstadt (@guyverhofstadt) February 9, 2024

Kjo shënoi një nivel të ri të asaj që shumica e kanë cilësuar si turpërim për Carlsonin, i cili ka kritikuar shpesh mbështetjen e SHBA-së për Ukrainën, i është referuar presidentit të Ukrainës, Volodymyr Zelenskyt, si një “tutor ukrainas” dhe “mi”.

Ndërkohë, udhëheqësi rus tha një mori gënjeshtrash duke përfshirë edhe se Rusia gjithmonë e ka mbështetur Serbinë.

Lexo po ashtu Putini gënjeu duke thënë se rusët ndihmuan serbët në luftërat e ish-Jugosllavisë, e vërteta është se Rusia i vendosi sanksione Serbisë, armatosi Kroacinë dhe dekoroi Tugjmanin

Në fakt, Rusia i vendosi sanksione shtetit serb gjatë viteve të 90-ta, armatosi Kroacinë dhe dekoroi presidentin e ndjerë kroat, Franjo Tugjman.

Ndryshe, Putin ka thënë se ende nuk i ka arritur qëllimet e veta me pushtimin e Ukrainës. /Telegrafi/