Turqia ka prezantuar makinën e saj të pare elektrike me emrin TOGG.
Zyrtarët janë duke premtuar se makina gjithashtu do të ketë veçori autonome, që do të thotë se do të mund të lëvizë pa shofer.
Fillimi i prodhimit në masë është planifikuar për vitin 2022.
TOGG u krijua nga Anadolu Group, BMC, Kök Group, Turkcell, Zorlu Holding, transmeton Telegrafi.
Drejtuesit e taksistëve në Stamboll thuhet se kanë kërkuar 17,000 njësi tashmë dhe qeveria mori përsipër për të blerë 30,000 deri në vitin 2035.
Qëllimi maksimal është 175,000 makina në vit nga fabrika.
Sipas Anadoly Agency, automobili do të prodhohet në dy kategori, njëri do të mund të arrijë shpejtësinë 100 kilometra në orë në 4,8 sekonda, si dhe tjetri në 7,6 sekonda.
Bateria e tij do të mund të ngarkohet deri në 80 për qind në më pak se 30 minuta.
Investimet u vlerësuan në 3.7 miliardë dollarë gjatë 13 viteve.
Fabrika do të jetë në Bursa në veriperëndim të Turqisë.
Numri i të punësuarve do të jetë në 4,300, pohuan përfaqësuesit e shtetit dhe prodhuesit më të mëdhenj të automobilave atje. /Telegrafi/
