Djaloshi nga Portsmouth i Anglisë, më në fund ndjehet mirë, pasi humbi 158 kilogram.
Oliver Bales ishte lodhur me njerëzit që e ngacmonin për trashësinë e tij, e posaçërisht për barkun apo pjesën e mesit që kishte diametër deri në një metër e gjysmë.
Djaloshi që dikur peshonte 247 kilogram, humbi afro gjysmën e peshës me anë të dietave dhe ushtrimeve fizike, për vetëm dy vite, transmeton Telegrafi.
Ndërrimi i mënyrës së jetës ka bërë që 24-vjeçari të jetë pjesë e ‘Slimming World’s Greatest Looser of 2016’, në të cilin konkurrojnë njerëzit që kanë arritur të heqin peshën e tepërt.
Ish-punëtori i stacionit të trenave, që peshonte sa një balenë e porsalindur, pritet të kurorëzohet si ‘më i holli i vitit’, një organizim i përvitshëm, që bëhet për të inspiruar njerëzit të bien në peshë. /Telegrafi/
