Ai ka bërë të ditur se vendimi do të zbatohet deri në momentin kur Qeveria e Kosovës të tërheqë vendimin për riregjistrim të makinave dhe të respektojë marrëveshjet e Brukselit.
Zhvillimet e fundit në veri dhe tensionimi i situatës në atë pjesë janë shenj që Qeveria e Kosovës duhet të vihet në veprim dhe të mos lejojë që të krijohet vakum institucional e as “pushtet paralel” në ato komuna.
Kështu deklaroi të shtunën në një prononcim për Telegrafin deputeti i Partisë Demokratike të Kosovës, Hisen Berisha, i cili tha se qëllimi i lidershipit të margjinalizuar serb në veri, është ri-instalimi i “strukturave paralele”.
“Qeveria e Kosovës nuk duhet ta lejojë në asnjë mënyrë! Është bërë shumë punë që ato struktura të mos jenë faktor dhe të mos lejohen të destabilizojnë një shoqëri të tërë. Me veprimet e fundit të qeverisë sonë, me apo pa qellim, ato struktura janë faktorizuar dhe janë nën urdhëratë e Beogradit, konkretisht Presidentit Vuçiq”, u shpreh Berisha, i cili është anëtar i Komisionit Parlamentar për Çështjet e Sigurisë dhe Mbrojtjes.
Ai këshilloi ekzekutivin që ta zbatojë me nguti Planin e Veprimit, duke emëruar përkohësisht deri në ndryshimin e rrethanave, administratorë të përkohshëm për komuna; të dërgojë forca policore shtesë, me automatizëm të suspendojë policët që nuk i kryejnë detyrat e tyre në mision të rendit, ligjshmërisë e kushtetutshmërisë; po ashtu të dërgojë administratorë nëse rrezikohen shërbimet e nevojshme publike për qytetarët atje.
“Përmes këtij plani, të përgatiten kuadro që do i mbulojnë të gjitha pozitat vakante që mund të krijoj ky veprim destruktiv, anti kushtetues dhe anti shtetëror të paralajmëruara nga strukturat politike serbe lokale dhe të mbështetura e sponsorizuara nga Beogradi”, tha ndër të tjera deputeti opozitar.
“Duhet veprim shtetëror dhe nuk guxon të cenohet funksionaliteti institucional i shtetit, as çfarëdo pretendimi për të krijuar ambient të tensionuar me qëllim të dhunimit të rendit ligjor dhe kushtetues, tërthorazi duke imponuar projekte të dëmshme për integritetin territorial dhe sovranitetin politik, që pretendojnë pushtet të tretë apo paralel, në asnjë pjesë të territorit tonë”, shtoi ai.
Sipas tij, duhet të mblidhet Këshilli i Sigurisë Nacionale, që të intensifikohen dhe bashkërendohen veprimet shtetërore. Po ashtu, tha se duhet koordinim me aleatët ndërkombëtarë për të bërë trysni politike, diplomatike dhe ushtarake ndaj Beogradit që të ndalet me kërcënimet dhe veprimet destruktive ndaj Kosovës.
“Kosova kërcënohet në mënyrë direkte dhe indirekte nga Serbia, edhe ushtarakisht. Prandaj është shqetësues fakti se Qeveria e Kosovës jo vetëm nuk e mori mundin ta mbledhë Këshillin e Sigurisë së Kosovës, por po dërgon sinjale sikur “gjithçka është në rregull”. Duke parë kërcënimin e fundit nga Serbia, paralajmërimet e lidershipit vendor të margjinalizuar nga Beogradi, urgjent është dashur të mblidhet KSK (që në këtë rast duhet ta udhëheqë Presidenti/Presidentja si takim urgjent)”.
Ndërsa, deputeti i Lëvizjes Vetëvendosje dhe njëherit zëvendëskryetar i pari i Komsionit për Çështje të Sigurisë dhe Mbrojtjes, Enver Dugolli, për Telegrafin tha se njoftimi i sotëm i Listës Serbe për largimin nga institucionet, reflekton një vendim të marrë më herët në Beograd.
“Lista Serbe asnjëherë që nga themelimi i saj nuk ka treguar vullnet për të përfaqësuar qytetarët serb dhe interesat e tyre sepse gjithherë për ta ka qenë prioritet të përfaqësojnë Serbinë dhe interesat e saj në Kosovë. Tani kur ndikimi i tyre në institucione nuk është sikur më parë sepse Qeveria nuk ka koalicion me ata dhe nuk varet nga votat e tyre, sikur po ndihem të dobët dhe po përpiqem që të tensionohet situata në veri duke mbajtur peng qytetarët serb të cilët po ndihen në ankth dhe shantazh nga grupe të caktuara kriminale”, u shpreh ai.
Dugolli ndër të tjera tha se institucionet e Republikës së Kosovës në radhë të parë duhet të garantojnë siguri për të gjithë, duke mos lënë vakum në asnjë institucion.
Ai shtoi se zbatimi i ligjit duhet të ndodhë për të gjithë sepse vetëm në këtë mënyrë garantohet barazia dhe drejtësia.
“Serbia dhe Rusia janë të interesuara që të destabilizojnë Ballkanin, prandaj është e nevojshme që institucionet e Kosovës të bashkërendojnë aktivitetet edhe forcat e sigurisë ndërkombëtare që veprojnë në Kosovë duke garantuar paqe dhe stabilitet”, përfundoi Dugolli.
Përfaqësuesit serbë në Kosovë kanë vendosur të shtunën e 5 nëntorit që të mos jenë më pjesë e institucioneve të këtij shteti. Kjo pasi ata nuk e mbështesin vendimin e Qeverisë së Kosovës për riregjistrimin e makinave me targa ilegale serbe, në targat RKS – Republika e Kosovës.
Kryetari i Listës Serbe, Goran Rakiq, ka thënë se dorëheqjet përfshijnë pozitat në Qeverinë dhe Kuvendin e Kosovës, dhe ato të gjyqësorit e Policisë së Kosovës në veri.
Promo
Reklamo këtuLufta Prigozhin - Putin
Më shumëTaravari: Kemi dalje masive, shpresoj që vëzhguesit ta mbrojnë votën e çdo qytetari
Pasuria e profesorit të suspenduar Xhevat Krasniqi: Mbi 160 mijë euro para të gatshme, 150 mijë euro pasuri të paluajtshme
Llukarevska: Pendarovski shkon në raundin e dytë
O'Brien bisedon me Kurtin, SHBA pret përparim urgjent në themelimin e Asociacionit
KSHZ jep detaje për përqindjen e daljes së votuesve deri në fund të procesit zgjedhor
Vdes një person në Pejë, dyshohet se u godit qëllimshëm nga vetura
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert