Kërkohen nga shumë klube evropiane – por Real Madridi i ka në dorë dy talentët e mëdhenj

Real Madridi, pas nënshkrimeve të Endrick Felipe dhe Kylian Mbappe, synon të përforcojë skuadrën e tij këtë verë.  

Një nga objektivat kryesore është Trent Alexander-Arnold, i cili pritet të nënshkruajë si i lirë nga Liverpool pas skadimit të kontratës së tij. 

Përveç Alexander-Arnold, Real Madridi po ndjek edhe dy lojtarë të tjerë: Miguel Gutierrez të Gironas dhe Nico Paz të Comos.

Sipas Cadena SER, klubi ka një opsion blerjeje prej 9 milionë euro për secilin dhe mund të aktivizojë këto klauzola këtë verë.  

Të dy lojtarët mund të fillojnë parasezonin me Real Madridin, por ende nuk është e sigurt nëse do të jenë pjesë e skuadrës së parë. 

Gutierrez, i cili ka impresionuar me Girona, është në radhët e disa klubeve të mëdha, duke përfshirë Liverpool, Arsenal dhe Bayern Munich.  

Ndërkohë, Paz, i cili ka tërhequr interesimin e Interit dhe Arsenalit, konsiderohet një talent premtues, por do të përballet me konkurrencë të ashpër në skuadrën e Madridit. 

Real Madridi po kërkon të forcojë thellësinë e skuadrës, veçanërisht në pozicionin e mbrojtjes së majtë, ku Gutierrez mund të jetë një zgjidhje afatgjatë. /Telegrafi/