Kërkesë e madhe për pullat postare nga Ukraina, ato madje po shiten deri në 400 dollarë

Pulla postare që vet Volodymyr Zelensky e prezantoi disa ditë më parë në Ukrainë, është bërë tejet e popullarizuar dhe kërkuar pas ngjarjeve të fundit, e nëpër ueb-faqet e ndryshme ku kryhen shitblerje online po kërkojnë shuma të majme për një të tillë.

“Fraza që u bë simbol i rezistencës ukrainase tani gjendet në pullat postare. Përdorini që të mbani në mend se luftanija ruse gjithmonë kishte vetëm një drejtim”, ka shkruar Zelensky disa ditë më parë, derisa mbante në dorë pullat postare që ditëve të fundit po kërkohen në masë të madhe, transmeton Telegrafi.

Në këtë pullë postare shihet ushtari ukrainas duke ia treguar gishtin e mesëm “Moskvës”, tashmë anijes së fundosur që konsiderohej si krenaria e flotës ruse në Detin e Zi.

Lexo po ashtu Ukraina njofton për humbjet që ia ka shkaktuar ushtrisë ruse

E pikërisht kjo edhe është arsyeja pse të gjithë duan ta kenë një pullë të tillë postare në koleksionet, që i ruajnë me fanatizëm.

Radhë të gjata janë para zyrave të postës në Kiev, ku mund të shiheshin të gjitha moshat duke pritur për orë të tëra për një pullë të tillë postare.

“Ajo ishte anija më e madhe që kishin, kapte vlerën e 750 milionë dollarëve. Të gjitha shpresat i kishin në të, e ne arritëm ta shkatërrojmë”, tha Yury Kolesan i cili priti për më shumë se dy orë e gjysmë për të marrë setin e 30 pullave postare.

Lexo po ashtu Ushtarët ukrainas as që duan të dëgjojnë për ultimatumin rus që të dorëzohen – thonë se do të vazhdojnë të luftojnë

Luftanija ruse u fundos të enjten, kurse historianët e shquar po e konsiderojnë si humbjen më të madhe të Rusisë në 81 vitet e fundit.

E pullat postare janë bërë aq të njohura e kërkuara, sa që në eBay shitet nga 150, 200 e deri në 400 dollarë për pakon e 32 pullave. /Telegrafi/

View this post on Instagram

A post shared by Володимир Зеленський (@zelenskiy_official)

Here is the audio of the Snake Island encounter between Russian and Ukrainian navy vessels translated to English.

May the 13 brave Ukrainian heroes rest in power.

🇺🇦🇺🇦🇺🇦 pic.twitter.com/3ls1r4ynAK

— KnowNothing (@KnowNothingTV) February 25, 2022