Gjatë ditës së sotme (e diel) në Kosovë po mbahen zgjedhjet lokale.
Qendrat e votimit janë hapur nga ora 07:00 dhe pritet të mbyllen në ora 19:00, ndërsa deri në ora 15:00 kanë votuar 379 mijë e 180 qytetarë,
Përveç qytetarëve, të drejtën e votës e kanë shfrytëzuar edhe disa prej emrave të njohur të estradës, të cilët kanë kryer obligimin tyre qytetarë edhe në këto zgjedhje.
Disa nga këngëtarët e artistët, kanë treguar edhe përmes rrjeteve sociale se tashmë kanë përfunduar procesin e votimit.
Mozzik
Reperi Mozzik ishte ndër të parët që postoi një fotografi teksa shihet duke votuar në një qendër të votimit në Ferizaj.
Foto: Mozzik/InstaStory
Edona Llalloshi
Edhe Edona Llalloshi ka votuar në orët e para të së dielës: "Vota ime për Prishtinën tonë, për një të ardhme më të mirë", ka shkruar këngëtarja në një postim në Instagram.
Foto: Edona Llalloshi/Instagram
Gresa Behluli
Këngëtarja Gresa Behluli në një postim në Instagram u shpreh se ka votuar për një Prishtinë më të mirë.
Foto: Gresa Behluli/Instagram
Fjolla Morina
Fjolla Morina ka votuar në Fakultetin e Filologjisë në Prishtinë, në një prononcim për T7, këngëtarja tha se e ka kryer obligimin e saj qytetar dhe shpreson që Kosova të bëhet një shtet më i fortë se Shqipëria, madje ajo ka folur edhe për ambiciet e saj për t'u futur në politik.
"Ka raste qe e kam menduar, por më mirë jo. Ndoshta mundet me ndodhë ndonjëherë më vonë, pse jo", ka thënë ajo.
Foto: T7
/Telegrafi/
