Këngëtaret flasin për veshjet e brendshme

Këngëtaret shqiptare nuk e kanë mërzi të flasin për veshjet e brendshme të tyre,a to madje i zbulojnë edhe modelet dhe ngjyrat e preferuara të tyre.

“Marka ime e preferuar është ‘Calvin Klein’, por edhe ‘Victoria’s Secret’. Disponoj shumë të tilla, pasi mania ime është që të mos mbaj veshur për një kohë të gjatë një komplet të vetëm. Shpesh bëj edhe blerje online dhe porosia më vjen pas dy javësh. Më tërheqin shumë modelet sensuale, tip perizomash, ndërsa ato më të thjeshtat i mbaj në daljet e përditshme. Për këtë pjesë të imazhit tim shpenzoj vërtet shumë para. Ngjyra ime e preferuar është e zeza dhe roza”, ka thënë për gazetën “Korrieri” Zajmina Vasjari.

Veshje të brendshme seksi mban në sirtaret e saj edhe këngëtarja e bukur Elvana Gjata. Ajo preferon ngjyrën e bardhë dhe të trëndafiltë, pasi që ndjehet më origjinale në çdo situatë.

“Blerjet më të shpeshta i bëj përmes internetit dhe siti ku unë klikoj më shpesh është e “Victoria’s Secret”. Shpeshherë shfrytëzoj udhëtimet e mia jashtë vendit, për të blerë të tjera modele që i shtohen koleksionit tim. Çdo gjë që ka lidhje me modën është e rëndësishme për mua dhe veshjet intime nuk bëjnë përjashtim nga ky rregull”, thotë Elvana.

Ndërkohë imazhi seksi dhe provokimet janë pjesë e përditshmërisë së seksi-këngëtares, Çiljeta Xhilaga. Në koleksionet e saja Çilli preferon materialet e mëndafshta deh ngjyrën e zezë.

“Preferoj shumë markën italiane ‘Lormar’ dhe blej shumë modele këtu në Tiranë, pasi këtu ka dyqane me ekskluzivitetin e kësaj firme lingerish. Thuajse çdo sezon blej modele të fundit, që kushtojnë deri në 50 euro dhe kur produkti është diçka që më pëlqen, nuk pendohem për paratë e shpenzuara”, shton Çilli.

Ndërsa këngëtarja kosovare Zanfina Ismaili tregohet më “dorëlëshuar” në momentin që shpenzon para për veshjet intime. “Chantelle”, “Emamo”, si dhe “Victoria’s Secret” janë tri markat e përhershme që ajo zgjedh, ndërsa nuk heq dorë nga ngjyra rozë.

“Edhe kur lindin foshnjat, ngjyra pink simbolizon ato, por besoj se një veshje është më e rehatshme kur vjen në përputhje me karakterin dhe energjinë e njeriut. Unë kam shumë modele veshjesh intime, pasi jam vërtet e fiksuar pas tyre”, ka folur Zanfina për “Korrieri”.