Këngët për fëmijë kanë një efekt shumë pozitiv në zhvillimin gjuhësor të foshnjave

Hulumtimet e reja tregojnë se këngët që prindërit ua këndojnë foshnjave dhe mënyra se si ato reagojnë ndaj ritmeve të ndryshme, kanë një ndikim në zhvillimin e tyre gjuhësor.

Muzika luan një rol të rëndësishëm në jetën e përditshme të njerëzve që në moshë të re. Studiuesit nga Universiteti i Vjenës kanë hulumtuar se si reagojnë të porsalindurit ndaj ritmeve të ndryshme të këngëve që prindërit ua këndojnë atyre dhe çfarë pasojash ka perceptimi dhe përpunimi i këtyre ritmeve në zhvillimin e gjuhës.

Lexo po ashtu Shëndeti i të sapolindurit: Përse nuk është mirë që bebja në javët e para të flejë tërë natën

Gjatë hulumtimit, nënat u kënduan dy këngë të njohura për fëmijë foshnjave të tyre shtatëmuajshe: një ninullë dhe një këngë gazmore. Aktiviteti i trurit të të porsalindurve u mat me elektroencefalografi (EEG). Janë vërejtur edhe lëvizjet ritmike të foshnjave (p.sh. lëkundjet) – transmeton MyScience.

Kur këta fëmijë mbushën 20 muaj, prindërit u pyetën për fjalorin e fëmijëve të tyre përmes një pyetësori. Rezultatet treguan se ishte më e lehtë për foshnjat të ndiqnin ninullën. Megjithatë, ata shfaqën më shumë lëvizje ritmike teksa dëgjonin këngë të gëzuara. Është interesante se vetëm këngët gazmore në kombinim me lëvizjet ritmike ndikojnë pozitivisht në fjalorin e fëmijëve në moshën 20-muajshe.

Lexo po ashtu Reagimi emocional i vogëlushes kur e sheh për herë të parë vëllanë e vogël

Hulumtimet e mëtejshme do të përqendrohen në zhvillimin e më shumë programeve të ndërhyrjes që synojnë përmirësimin e ndërveprimit muzikor midis prindërve dhe foshnjave, dhe zhvillimin e tyre njohës dhe gjuhësor. /Telegrafi/