Keanu Reeves rikthehet për një vazhdim të filmit “Constantine”

Keanu Reeves do të ripërsërit rolin e tij si John Constantine në një vazhdim të filmit superhero “Constantine” të vitit 2005.

Lajmi për rolin e ri të 58-vjeçarit u konfirmua të premten (15 shtator) nga Deadline, dhe u raportua se Francis Lawrence, i cili bëri debutimin e tij regjisorial në filmin origjinal, do të rikthehej në krye të vazhdimit.

Akiva Goldsman është gjithashtu i vendosur të shkruajë skenarin për filmin e ardhshëm dhe ta realizojnë së bashku me JJ Abrams, shkruan DailyMail.

Detajet e filmit dhe informacioni i kastit për vazhdimin e “Constandinit” aktualisht nuk janë bërë të ditura për publikun.

Filmi ndoqi ekzorcistin ndërsa ai u përfshi në një konflikt midis figurave nga ‘parajsa dhe ferri’.

Përveç Reeves, në film luajtën Rachel Weisz, Tilda Swinton dhe Shia LaBeouf.

“Constantine” mori komente të përziera pas publikimit të tij, edhe pse ai ia doli mirë me audiencën dhe fitoi më shumë se 230 milionë dollarë, sipas Box Office Mojo.

Një serial aksion i përqendruar te personazhi, i cili u luajt nga Matt Ryan, u shfaq premierë në 2014 dhe u shfaq për një sezon të vetëm.

Ryan më pas portretizoi detektivin në disa programe të bazuara në DC Comics gjatë viteve të ardhshme.

Një version femëror i personazhit, i luajtur nga Jenna Coleman, u shfaq në serialin e publikuar së fundmi në Netflix, “The Sandman”.

Sipas Variety, një seri televizive e përqendruar te “Constandini” ishte në zhvillim e sipër në HBO Max .

Megjithatë, disa burime thanë për median dhe konfirmuan se projekti ishte anuluar në favor të filmit.

Reeves foli më parë për Variety në 2019 dhe u shpreh se do të ishte i lumtur të ripërsëriste rolin e tij si John Constantine në të ardhmen.

“Unë thjesht e doja atë botë…dhe e dua atë personazh”, kishte deklaruar ylli i filmave.