Kate Moss zbulon se Johnny Depp i dha asaj një gjerdan diamanti, por e bëri ta nxirrte nga poshtë pantallonave

Kjo është një mënyrë e pazakontë për të bërë një dhuratë, nuk ka asnjë dyshim.

Në videon e saj “Life in Looks” për British Vogue të publikuar të mërkurën, Kate Moss kujtoi kohën kur ish-i dashuri i saj Johnny Depp i dhuroi asaj diamantin duke e nxjerrë nga të pasmet.

Duke folur për gjerdanin vezullues që vendosi për çmimet e modës CFDA 1995, bukuroshja britanike tha: “Atë gjerdan diamanti ma dha Johnny. Ishin diamantet e parë që zotëroja ndonjëherë – ai i nxori nga të pasmet e tij”.

Vazhdoi 48-vjeçarja, “Ne po dilnim për darkë dhe ai tha: ‘Kam diçka në prapanicën time. Mund t’i hidhesh një sy?’. Dhe unë thashë: ‘Çfarë?’”.

Lexo po ashtu Kate Moss u ndje 'e cenuar dhe e frikësuar' gjatë xhirimit për Calvin Klein me Mark Wahlberg

Moss vazhdoi dhe “vuri dorën [e saj] poshtë pantallonave të tij” – dhe, përfundoi ajo, “Unë nxora një gjerdan diamanti. Atë gjerdan me diamant”.

Këtu shpresojmë që supermodelja t’i ketë pastruar shpejt gurët e çmuar përpara se t’i vendoste në tapetin e kuq.

Lexo po ashtu “E di të vërtetën”, Kate Moss zbulon pse zgjodhi të fliste në gjyqin e Johnny Depp kundrejt Amber Heard

Një nga çiftet kryesore të viteve ’90, Moss dhe Depp, shijuan romancën e tyre nga viti 1994 deri në 1998. /Telegrafi/