Kartoni i kuq më i çuditshëm ndonjëherë vjen nga Serie A, Ampadu ndëshkohet pas një ndërhyrje të pastër në Riberyn

Mbrojtësit Ethan Ampadu iu dha një karton i kuq shumë i diskutueshëm në ndeshjen e Serie A mes Venezias dhe Salernitana të martën mbrëma.

21-vjeçari është i huazuar në klubin e Serie A nga Chelsea këtë sezon.

Ai bëri paraqitjen e tij të katërt në kampionat të martën, por kjo paraqitje e tij zgjati vetëm shtatë minuta, pas inkuadrimit të tij si zëvendësues në pjesën e dytë kur rezultati ishte 1-1.

Ampadu avoids a challenge from Ribéry at the back. Somehow, he is sent off for it.

66’ | Venezia 1-1 Salernitana#VeneziaSalernitana

— Venezia FC (@VeneziaFC_EN) October 26, 2021

Lojtari nga Uellsi mori karton të kuq vetëm shtatë minuta pasi hyri në fushë, me gjyqtarin e ndeshjes që mori një vendim të diskutueshëm.

Një pasim iu bë Ampadus, i cili la topin t’i kalonte nëpër këmbë, por në momentin që Franck Ribery u përpoq vidhte topin, i riu i gjithanshëm bëri një ndërhyrje të shkëlqyer dhe rimori topin.

Inexplicably, the decision is confirmed after a VAR check. Stunning.

66’ | Venezia 1-1 Salernitana#VeneziaSalernitana

— Venezia FC (@VeneziaFC_EN) October 26, 2021

Të paktën kështu dukej në çdo video të publikuar, se ndërhyrja ishte e pastër dhe në top.

Ribery u rrëzua në mënyrë teatrale dhe gjyqtari nuk u hamendësua shumë për të ndalur një faull dhe për t’i treguar Ampadus kartonin e kuq direkt.

pic.twitter.com/xlIXZHrofK

— Venezia FC (@VeneziaFC_EN) October 27, 2021

Për më tepër, incidenti shkoi edhe në VAR dhe u konfirmua si i tillë.

Ky vendim ka bërë bujë në rrjetet sociale, pasi vendosi edhe ndeshjen me Salernitanan që shfrytëzoi epërsinë numerike për të fituar në fund 2-1. /Telegrafi/