Kanye West shihet sërish nën shoqërinë e këngëtares Audri Nix në Miami, pas ndarjes nga Kim Kardashian

Kanye West u pa duke kaluar më shumë kohë me këngëtaren Audri Nix në Miami, vetëm disa ditë pasi ata nxitën thashethemet për një romancë të mundshme, pasi u panë së bashku në ballkonin e një hoteli në ditën e Vitit të Ri.

Marrëdhënia e reperit fitues të Grammy-t, 44-vjeç dhe muzikantes 27-vjeçare dukej se po lulëzonte ndërsa ata arritën në një pronë të mbyllur së bashku të hënën pasdite.

Për daljen e tyre të qetë, rap-artisti West kishte vënë një kapuç të zi të madh me logon e World Food Programme’s, xhinse të zeza dhe një palë doreza dhe çizme, shkruan DailyMail.

Ndërkohë, Nix shfaqi fizikun e saj tepër të tonifikuar me një bluzë të vogël të prerë, e cila shfaqte barkun e saj dhe xhinse të lehta me njolla dhe zbukurime në kofshë.

Për aksesorë ajo vuri një palë vathë masive në formë të rrathëve, dhe mbante një çantë bardh e zi me një imazh të Jezusit që mban një grua në krahë.

As West dhe as Nix nuk mbanin maska ​​​​për fytyrën gjatë ecjes jashtë në mes të pandemisë së vazhdueshme të COVID-19, me variantin omicron që është gjithmonë e në rritje.

Ata nuk u angazhuan në asnjë shfaqje publike të dashurisë dhe nuk kanë komentuar ende për statusin e marrëdhënies së tyre.

Ditën e Vitit të Ri, babai i katër fëmijëve u pa i shoqëruar me bukuroshen brune, në një ballkon hoteli në The Sunshine State.

Vëmendja e Kanyet ishte jashtë shoqes së tij, ndërsa ai shikonte nga larg, ndërsa kishte veshur një bluzë të zezë të markës “Balenciaga” dhe xhinse.

Interpretuesi i hitit “Stronger” u shfaq në mendime teksa qëndronte përballë këngëtares me celularin në duar.

Në anën tjetër, themeluesja e markës “KKW Beauty”, bëri kërkesë për divorc nga Kanye në fillim të vitit 2021 pas gjashtë vitesh martesë dhe katër fëmijëve së bashku, dhe ajo tashmë ka filluar një lidhje të re me Pete Davidson.

Pete gjithashtu u gjend në Miami për Vitin e Ri 2022, ku po organizonte një edicion special të emisionit të tij me këngëtaren Miley Cyrus.

Ai dhe Kim aktualisht janë duke pushuar së bashku në Bahamas në një pushim romantik pas Vitit të Ri.

Kim dhe Pete u panë për herë të parë të kapur për dore në ‘Knott’s Scary Farm’ në tetor, megjithëse një burim i brendshëm i tha Revistës People në atë kohë se të dy ishin thjesht miq.

“Kim është shumë e dashur për të. [Kim dhe Pete] janë të dy me të vërtetë të përkëdhelur dhe të dashur me njëri-tjetrin”, tha një burim për People ndërsa një tjetër burim i brendshëm ndau me Us Weekly se dyshja e pamundur po bëheshin një  ‘çift serioz’.

Miqtë e yllit të “The Keeping Up With the Kardashians” mendojnë se ai është ‘pikërisht ajo që i duhej [Kimit]’ pas ndarjes së saj nga Kanye. /Telegrafi/