Kanë mbetur pa sponsor në fanella: Çfarë fshihet pas partneritetit të dështuar të Interit

Pasqyrat financiare të Interit kanë hedhur dritë mbi partneritetin e tyre të dështuar me degën e kriptomonedhës DigitalBits, të cilët u detyrohen atyre mbi 30 milionë euro në pagesa të humbura.

Calcio e Finanza analizoi dokumentet financiare të Nerazzurrëve, duke zbuluar shkallën e dështimit të DigitalBits për të përmbushur detyrimet e tyre me klubin. Ata u bënë sponsori kryesor i fanellës verën e kaluar, por logoja e tyre u hoq nga fanellat e klubit në prill.

Në sezonin 2021-22, DigitalBits ishte sponsori kryesor i Interit. Ata paguan 5 milionë euro të plota siç ishte rënë dakord, si dhe një bonus 100,000 euro për të arritur në raundin e së tetës së finales të Ligës së Kampionëve. Kompania nuk pagoi 1.6 milion euro bonuse, megjithatë, të cilat ishin të lidhura me fitoren e Kupës së Italisë.

Lexo po ashtu Gabimet që duhet të shmangë Interi ndaj Manchester Cityt në finalen e Ligës së Kampionëve

Pavarësisht kësaj, Inter negocioi një marrëveshje të re me DigitalBits për t’u bërë sponsori i tyre kryesor i fanellës. Tarifa bazë e rënë dakord ishte 24 milionë euro – e shpërndarë në tre pagesa prej 8 milionë eurosh në qershor 2022, tetor 2022 dhe shkurt 2023. U ra dakord gjithashtu për 5,75 milionë euro të tjera bonuse.

Asnjë nga këto pagesa nuk është bërë. Interi humbi të gjitha 30 milionë euro dhe përfundimisht hoqi logon e DigitalBits nga fanellat e tyre në të gjithë klubin, uebsajtin dhe reklamat tjera.

Nerazzurrët tani janë në kërkim të një sponsori të ri të fanellës kryesore, dhe thashethemet e fundit kanë sugjeruar bisedime me Turkish Airlines dhe Qatar Airways. /Telegrafi/

[DOCUMENTI] #Inter, da #DigitalBits mancati ricavi per 30 milioni nel 2022/23 tra parte fissa e bonus per i risultatihttps://t.co/j0zQwe4gwK pic.twitter.com/9im1A4Rfn4

— Calcio e Finanza (@CalcioFinanza) May 29, 2023