Kamçev ofron garancë të re prej dy milionë eurove për të dalë nga burgu

Orce Kamçev, i cili është i pandehuri i pestë në rastin “Tokat në Vodno”, ofroi garanci në prona të paluajtshme me vlerë mbi një milion e shtatëqind mijë euro dhe para të gatshme prej 200 mijë euro.

Avokati i tij, Elenko Milanov, tha se ata ende nuk kanë marrë përgjigje nga Gjykata Penale, përcjell Telegrafi Maqedoni.

“Prej kohësh, kemi paraqitur garanci në prona të paluajtshme, siç kërkohet nga prokuroria, të mos jenë të personave që janë në procedurë, edhe pse besoj se nuk ka pengesa ligjore për nënën e tij, e cila është në procedurës, për të lënë peng pronën e saj, por duke respektuar kërkesat e prokurorisë, u dorëzua garanci, e cila do të nënkuptonte heqjen e masës së paraburgimit të për Orce Kamçev dhe mbrojtjen e tij të mëtejshme”.

“Janë ofruar prona të paluajtshme pak më shumë se një milion e shtatëqind mijë euro dhe para të gatshme prej 200 mijë euro, por në këtë moment dhe deri në këtë konferencë për shtyp nuk kemi asnjë vendim nga Këshilli Penal i Gjykatës Penale Themelore, të cilit i është dorëzuar … “, tha Milanov.

Avokati i Kamçevit përsëri tha se shëndeti i klientit të tij ishte i dëmtuar dhe për shkak të kësaj, siç tha ai, ai duhet të transferohet në arrest shtëpiak./Telegrafi/