Kamaru Usman zbulon datën e super-meçit me Canelo Alvarez

Kamaru Usman ka zbuluar se planifikon të kalojë në boks për një përplasje të madhe me Canelo Alvarez në muajin shtator.

Kampioni i ‘welterweight’ në UFC, Usman, do të ketë luftën e tij të parë në 2022 në UFC në korrik, përpara se të ndeshet me Alvarez, i cili së pari do të përballet me Dmitry Bivol më 7 maj.

“Në 2022, unë do të trondit botën”, ka thënë fillimisht Usman për TMZ.

“Në korrik, unë do të luftoj me Leon Edwards. Me dëshirën e Zotit, do ta kaloj Leon Edwards, pastaj në shtator, në Ditën e Pavarësisë së Meksikës, do të ndaloj Canelo Alvarez”.

Lexo po ashtu Një luftë e madhe mund të ndodh në boks: Canelo Alvarez pritet të ndeshet me kampionin në UFC, Kamaru Usman – fitojnë nga 100 milionë dollarë secili

Usman këmbëngul se nuk do të luftonte me Alvarezin vetëm për një pagesë të madhe, pasi ai beson se mund ta mposht kampionin e padiskutueshëm të peshave super të mesme në boks.

“Boksi ka vdekur, në fund të ditës. Nuk po them se nuk ka boksierë të mirë, ka disa boksierë fantastikë. Errol Spence Jr, ka shumë djem që mund të rrëzoj dhe t’ju them vërtet se janë luftëtarë fantastikë”.

“Por boksi po vdes. Në fund të fundit, të gjithë duan të argëtohen dhe kur e keni parë ndonjëherë ndonjë boksier të vijë të ndeshet me kategorinë e njëjtë në UFC? Unë nuk kam frikë ta bëj këtë”.

“Fatkeqësisht ata djem, p.sh. Canelo, nuk do të vijnë kurrë këtu në UFC për të sfiduar. Kjo është përtej çështjes”.

Lexo po ashtu Khabib Nurmagomedov: Canelo është boksieri më i mirë në botë

“Dëgjoni, ai mund të anashkalojë gjithçka që dëshiron të anashkalojë, por ai po ndeshet me njerëz që askush nuk i njeh. Dhe ai shkon rrotull duke thënë ‘më paguaj, më paguaj’. Absolutisht, kjo është pagesa më e madhe që do të bëni ndonjëherë”.

“Unë e kuptoj se ai paguhet, ai fiton para, por të luftosh me mua është paga më e madhe që ai do të ketë ndonjëherë”, përfundoi luftëtari i UFC-së. /Telegrafi/