Me kalimin në fazën e grupeve, Ballkani mbush arkat e klubit me miliona euro

Ballkani ka kaluar në fazën e grupeve të Ligës së Konferencës, duke eliminuar klubin e madh bjellorus, BATE Borisovin, me rezultat të përgjithshëm 4-2.

Ndeshjen e parë Ballkani e kishte fituar 4-1 dhe edhe përkundër humbjes me rezultat 1-0 në ndeshjen kthyese, kaloi tutje në fazën e grupeve për herë të dytë në dy vitet e fundit.

Ky kalim tutje përveç kënaqësisë sportive që i sjell klubit nga Suhareka, edhe arkat e klubit do të mbushen dukshëm.

Lexo po ashtu Ballkani rishkruan historinë, kalon për herë të dytë në fazën e grupeve të Ligës së Konferencës

Në sezonin e shkuar, 2022/23 nga garat evropiane Ballkani kishte fituar 4 milionë e 182 mijë euro, sipas “football-coefficient”.

Edhe këtë vit, kampioni kosovar ua ka mësuar këtyre shifrave, shkruan Telegrafi.

Kalimi në fazën e grupeve ia siguron çdo klubi edhe 2.9 milionë euro të tjera dhe këtyre iu shtohen edhe nga 100 mijë euro për katër fazat eliminatore, që i bie 400 mijë euro. Aktualisht klubi kampion ka të sigurta 3 milionë e 340 mijë euro.

Një fitore në fazën e grupeve vlen 500 mijë euro, ndërsa barazim ka vlerë 166 mijë euro.

Në total shifrat mund të arrijnë shumë lehtë mbi 4 milionë euro, gjë që kishte arritur vitin e shkuar. /Telegrafi/