Juventusi ofron Dybalan dhe para kesh për Salahun

Juventusi po mendon një lëvizje shokuese në afatin kalimtar të verës për të transferuar yllin egjiptian, Mohamed Salah nga Liverpooli.

Gjatë ditëve të fundit është raportuar se Zonja e Vjetër dëshiron të bëjë një transferim sensacional duke rrëmbyer Salahun nga Reds.

Mediat evropiane dhe botërore raportuan gjithashtu se drejtuesit e kampionit italian janë gati të ofrojnë plot 200 milionë euro për shërbimet e egjiptianit.

Lexo po ashtu Juventusi mendon të shpenzojë 200 milionë euro për Salah

Megjithatë, tani kanë dalë lajme të reja në lidhje me ofertën e Bianconerëve në drejtim të klubit anglez për Salahun.

Juventusi thuhet se është gati të bëjë një lëvizje sensacionale për Salahun, duke ofruar edhe Paulo Dybalan si pjesë të një marrëveshjeje.

Sipas gazetës Tuttosport, gjigantët e Serie A dëshirojnë lojtarin afrikan të vitit dhe janë të gatshëm t’i japin Dybalan plus 43.9 milion funte apo rreth 50 milionë euro.

Lexo po ashtu Lojtarët më të vlefshëm të Ligës Premier në një formacion - De Gea e Hazard as rezervë, sundojnë mbrojtja e Liverpoolit dhe sulmi i Manchester Cityt

Por, Juventusi do të përballet me konkurrencë të fortë për shërbimet e Salah, pasi përveçse Reds mendojnë ta mbajnë, edhe skuadrat tjera e duan atë.

Gjiganti spanjoll, Real Madridi dhe ai francez Paris Saint-Germain thuhet se gjithashtu duan transferimin e Salahut. /Telegrafi/