Juve konfirmon rëndësinë e Pogbas në urimin për ditëlindje: Dhurata më e mirë do të jetë rikthimi në fushë

Paul Pogba sot (15 mars) i ka mbushur 30 vjet dhe Juventusi ka konfirmuar se ai mbetet lojtar i rëndësishëm për Zonjën e Vjetër.

Francezi ka pasur probleme me lëndime dhe ka munguar në 34 ndeshje këtë sezon për Bianconerët, derisa ka luajtur vetëm 35 minuta në dy takime të Serie A.

Ai u rikthye në Torino si lojtar i lirë në verën e kaluar, mirëpo u detyrua të operohej për ta zgjidhur një problem afatgjatë.

Many happy returns on your 3⃣0⃣th, @paulpogba! 🐙🎉 pic.twitter.com/9rJFbyDg4C

— JuventusFC 🇬🇧🇺🇸 (@juventusfcen) March 15, 2023

Edhe pse ia nisi të luante në përpjekje që ta kthente formën e tij fizike, mesfushori ka pësuar një tjetër lëndim dhe do të mungojë përsëri së paku deri në prill.

Lexo po ashtu ‘Zoti nuk e ngarkon një shpirt përtej asaj që mund të përballohet’ – reagimi i Pogbas për lëndimin

Derisa ka pasur spekulime se Juve mund t’ia ndërpresë kontratën, në urimin për ditëlindje, klubi e ka bërë të qartë se nuk planifikon ta largojë.

Happy birthday, @paulpogba! 🎂

— JuventusFC 🇬🇧🇺🇸 (@juventusfcen) March 14, 2023

“Paul Pogba fryn 30 qirinj sot. Ai, si të gjithë ne, do të kishte preferuar të kishte festuar si pjesë e skuadrës që niset për në Freiburg, ku nesër Juve luan për një vend në çerekfinale të Ligës së Evropës, por fatkeqësisht nuk është e mundur.

“Kështu që në këtë ditë ne thjesht duam ta përqafojmë Paulin, t’i kujtojmë se sa i rëndësishëm është për ne dhe t’i themi se e dimë se dhurata më e mirë do të jetë rikthimi i tij në fushë”, shkruan në urimin e klubit. /Telegrafi/