Jurgen Klopp e pranon se mund të shkarkohet nga Liverpooli sezonin e ardhshëm

Trajneri i Liverpoolit, Jurgen Klopp ka sugjeruar se ai do të pranonte shkarkimin nëse forma aktuale e ekipit të tij rrjedh në sezonin e ardhshëm.

Shanset e The Reds për një vend në top katërshe u ulën më tej të martën mbrëma pasi ata patën fatin t’i shpëtojnë humbjes kundër Chelseat në Stamford Bridge, ku barazuan 0-0.

Liverpool dhe Chelsea morën barazimin e katërt radhazi 0-0, i cili ishte një rezultat që nuk i ndihmoi asnjërës palë, që të dyja janë aktualisht në mes të tabelës.

Lexo po ashtu Chelsea dhe Liverpooli ndahen në paqe

Reds do të mbyllin sezonin pa një trofe dhe rrezikojnë të humbasin Ligën e Kampionëve edicionin e ardhshëm.

Skuadra e Klopp është në vendin e tetë në Ligën Premier dhe ata janë 10 pikë larg katërshes së parë nëse Neëcastle United dhe Manchester United fitojnë të mërkurën.

Lexo po ashtu “Askush nuk është i sigurt këtu”, Klopp paralajmëron lojtarët e Liverpoolit

Dhe trajneri gjerman ka pranuar se nuk do të ishte në krye të skuadrës nëse do të pësonte sërish të njëjtin sezon katastrofik.

“Jo (nuk kam pasur një sezon të tillë), falë Zotit”, deklaroi Klopp për BBC Sport. “Unë nuk do të isha trajner i Liverpoolit nëse do të kisha disa nga këto sezone. Ne duhet ta kalojmë atë. Kështu është jeta. Duhet të luftoni për të ndryshuar fatin tuaj”.

Lexo po ashtu Henderson dhe Alisson u përfshinë në një konfrontim të ashpër verbal në derbin ndaj Chelseat

Klopp gjithashtu pranoi se Liverpool mbërriti në Stamford Bridge me besim të ulët pas humbjes 4-1 të së shtunës ndaj Manchester City.

Por, ai ishte i kënaqur me luftën e lojtarëve të tij dhe e konsideroi rezultatin një hap përpara dhe jo një hap prapa. /Telegrafi/