Jude Bellingham, apo ‘Golden Boy’ i vitit 2023 – ai pritet të rrëmbejë edhe çmimet e tjera si lojtari i ri më i miri

Jude Bellingham e di tashmë se si është të luash, fitosh dhe shënosh dy herë në një El Clasico. Që kur zbarkoi në Real Madrid, jeta e tij sportive ka marrë një vrull që ka befasuar shumë kë, por ai ka qenë gjithmonë i qartë se klubi mbretëror ishte vendi ideal për të bërë një hap përpara në karrierën e tij.

Ai kishte të drejt. Golat dhe loja e tij i kanë mahnitur të gjithë, aq sa, sipas raportimeve nga Anglia, ai do të marrë të gjitha llojet e çmimeve, duke filluar nga Golden Boy, çmim që dhurohet prej 20 vitesh për lojtarit më të mirë nën 21 vjet.

Anglezi do të kurorëzohet më 4 dhjetor nga gazeta italiane ‘Tutto Sport’, si futbollisti i ri më i mirë në botë.

Real Madridi nuk e di se si është që një lojtar i tyre të fitojë këtë çmim prej 20 vitesh, por kjo ka të bëjë edhe me politikën e klubit, e cila në të shkuarën ishte e bazuar në yje të konfirmuar, por që sot ka ndryshuar.

Tani klubi mbretëror ka yje të rinj si Vinicius, Rodrygo, Edouardo Camavinga, Jude Bellingham, Arda Güller  dhe një tjetër i cili tashmë do ta afrohet më vonë, Endrick.

Lexo po ashtu Debati i ashpër mes Bellingham dhe Gavit, çfarë i kërkoi anglezi spanjollit gjatë ndeshjes

Sipas MARCA, Bellingham ka marr votat nga mediat kryesore evropiane mes kandidatëve të zgjedhur nga gazeta italiane bazuar në parametrat e paraqitjeve gjatë dymbëdhjetë muajve të fundit.

Nuk ka pasur asnjë dyshim nga ana e jurisë, në përcaktimin e emrit të fituesit.

E vërteta është se anglezi në dy vitet e mëparshme ishte tashmë shumë afër çmimit, duke u renditur në vendin e dytë pas Pedrit dhe Gavit.

Lexo po ashtu Carlo Ancelotti për Bellingham: Ai është një lojtar që bën diferencën

Mes finalistëve janë edhe katër lojtarë të tjerë të La Ligas si lojtarët e Barçës, Alejandro Balde dhe Lamine Yamal, lojtari i Real Madridit, Arda Güller dhe mbrojtësi i krahut të Girona, Arnau Martínez.

Mbledhja e çmimeve nuk përfundon për Jude Bellingham me Golden Boy. Ai do të jetë pjesë aktive e Topit të Artë që jepet të hënën.

Ai do ta marr edhe çmimin ‘Kopa’, i cili vlerëson futbollistin e ri më të mirë nga revista ‘France Football’. Deri tani këtë çmim e kanë fituar Kylian Mbappe, Mattis De Ligt, Pedri dhe Gavi. /Telegrafi/