Joshua njeri familjar, shkruan emrin e djalit në këpucët e luftës ndaj Klitschkos (Foto)

Se Anthony Joshua është një nga boksierët më të fortë, kjo tashmë dihet – por ai është edhe një njeri mjaft familjar.

Anthony Joshua do të mbajë djalin e tij të vogël në ring në duelin më të shtrenjtë të boksit britanik, pasi ka shkruar emrin e tij në këpucët e luftës ndaj Klitschkos me të cilat do të paraqitet në ring, shkruan Telegrafi.

Boksieri britanik thotë se djali 18 muajsh do t’i japë atij motivim shtesë ndaj ish-kampionit të botës, Wladimir Klitschko.

Joshua e quan djalin e tij “JJ” dhe ai do të shfaqë me krenari emrin e tij dhe atë të mbesës së tij Angel në këpucët e luftës për titullin e WBA.

Lexo po ashtu David Haye analizon duelin ndaj Klitschkos

Rreth 90 mijë shikues do të jenë dëshmitarë të duelit më të madh të vitit në boks në Wembley, teksa miliona të tjerë do ta përjetojnë këtë ngjarje nga televizioni.

27 vjeçari Joshua i cili jeton në një banesë të thjeshtë në Londër shpreson se djali i tij mund ta inspirojë drejt fitores.

“Boksi më dha motivimin tim, kurse djali vetëm sa më mban në atë rrugë”.

“Gjithçka që po krijoj, unë kam për t’ia lënë dikujt, sepse nuk do të jem këtu përgjithmonë. Gjithë atë që fitoj në jetë, diturinë, objektet materiale – mund t’i trashëgoj ashtu si fronin. Ky është një relacion i mirë”.

Lexo po ashtu E majta e Joshuas që mund ta trondisë Klitschkon

“A e dini se çka më pëlqen te fëmijët? Për JJ dhe mbesën e vogël?”.

“Kur jam në park me ta është koha kur jam i shkëputur nga pjesa tjetër e botës sepse edhe unë me ta bëhem fëmijë dhe fokusohemi në atë që ata bëjnë”.

“Kur jam me djalin tim dhe mbesën time, unë e vë veten jashtë botës së boksit dhe koncentrohem tek këta fëmijë, të cilët ende nuk kanë brengat e kësaj bote”.

“Unë gjithmonë kam qenë një njeri familjar”, ka deklaruar Joshua.

Dueli pritet të fillojë pas orës 23:00 në stadiumin Wembley të Londrës. /Telegrafi/