Joao Felix tregon pse shënon më pak se talentët e tjerë botërorë

Joao Felix është njëri nga futbollistët më të talentuar në botë, së bashku me Kylian Mbappen, Vinicius Jr e Erling Haaland.

Por sulmuesi portugez nuk po arrin të shënoj shumë gola sa francezi dhe norvegjezi që e bëjnë me PSG-në dhe Manchester City.

Joao Felix ka folur për ecurinë e tij derisa ka thënë se i mungon vazhdimësia të shënoj sa Mbappe, Haaland apo Vinicius Junior.

“Mua më mungon vazhdimësia dhe lojtarë si Haaland, Mbappe apo Vinicius Junior luajnë në skuadra krejtësisht të ndryshme nga ekipi që luaj unë”, tha Felix.

Tutje talenti portugez deklaroi se skuadrat ku luajnë kolegët e tij janë skuadra shumë më ofensive dhe që shënojnë shumë gola.

“Janë skuadra shumë ofensive dhe shënojnë shumë gola në një ndeshje, kjo i lejon edhe këta lojtarë të kenë më shumë vazhdimësi dhe të shënojnë më shumë se të tjerët”.

“Megjithatë, unë punoj çdo ditë që të shkoj në nivelin e tyre sepse golat bëjnë diferencën në futboll, shpresoj t’i arrij sa më shpejt të jetë e mundur”, u shpreh Felix. /Telegrafi/