Newcastle United ka kompletuar gjatë ditës së sotme transferimin e parë në epokën e 'arabëve'.
Kieran Trippier ka nënshkruar kontratë për dy vite e gjysmë me 'Laraskat' që e transferuan mbrojtësin anglez për 15 milionë euro nga Atletico Madrid.
Por gjatë orëve të ardhshme dy goditje të tjera pritet të zyrtarizohen nga skuadra e njohur angleze.
Sulmuesi belg i Liverpoolit, Divock Origi ka pranuar transferimin në St James Park dhe tani dy klubet po diskutojnë për detajet e marrëveshjes.
Edhe sa i përket mbrojtësit holandez të Lille ka përparime në negociata, pasi Newcastle ka rritur ofertën si në drejtim të lojtarit ashtu edhe në drejtim të klubit francez.
Mediat e ndryshme në Ishull po raportojnë se dyshja Origi-Botman pritet të jenë dy goditjet tjera nga Newcastle në 48 orët e ardhshme.
Përveç këtyre lojtarëve bardhezinjtë synojnë edhe afrimin e Ousmane Dembeles dhe Aaron Ramseyt. /Telegrafi/
