“Jeta pas vdekjes”: Një burrë gjerman rrëfen ‘përvojën e tij’ – pretendon se kishte parë Jezusin!

Pavarësisht nga një mungesë e dukshme e provave rreth ekzistencës së një jete të përtejme, shumë njerëz besojnë në jetën pas vdekjes.

Një nga rrëfimet më të jashtëzakonshme të jetës së përtejme mbërriti kohët e fundit nga një burrë – i njohur vetëm si Alfred A për të mbrojtur anonimitetin e tij.

Burri gjerman ndau përvojën e tij në dukje “shpirtërore” pasi konsumoi ilaçet kundër dhimbjes së gruas së tij.

Ai tha: “Po dremitja për ca kohë. Kur papritmas, u tremba sepse kisha dalë nga trupi im”, shkruan Express.co.uk.

“Isha zgjuar plotësisht dhe notoja mbi trupin tim. Unë u largova nga dhoma dhe shtëpia. Gradualisht, unë u bëra i vetëdijshëm për praninë e qenieve shpirtërore”, tha Alfred.

Në këtë pikë, burri mendon se ai shkoi në një udhëtim të jashtëzakonshëm.

Ai tha: “Unë po vrapoja nëpër botë me një shpejtësi të mahnitshme. E vetmja gjë që perceptova ishte alternimi i ngjyrave të ndryshme dhe intensiteti i dritës”.

“Më në fund, arrita në destinacion. Edhe pse ishte errësirë, unë shihja qartë se isha duke qëndruar në breg të një liqeni. Nuk kisha kohë të mendoja për gjendjen time sepse mund të shihja një anije larg”.

“Duke qëndruar drejt në barkë, ishte një burrë që mbante një fener dhe ai po shikonte drejt meje. Unë menjëherë e njoha atë. Ishte Jezusi”!

Për fat të mirë për Alfred, shpejt iu kthye vetëdija.

“Si u ktheva në trupin tim, nuk e di. Unë kam qenë në koma për tre ditë në shtëpi, dhe më vonë në kujdesin intensiv.

Sidoqoftë, ekspertët mjekësorë janë plotësisht të pa bindur për përvoja të tilla.

Një nga teoritë më të njohura sugjeron që këto janë halucinacione të shkaktuara nga qelizat e trurit që vdesin gjatë një momenti traume. /Telegrafi/