Jameela Jamil e ka tepruar paksa në xhirimet e “She-Hulk: Attorney At Law” duke pranuar se tërhoqi një muskul delikat në një vend të vështirë.
Duke folur për personazhin e saj, Titania – një ndikuese e mediave sociale me forcë mbinjerëzore – ajo pranoi se u angazhua shumë fizikisht për rolin, pasi shumicën e marifeteve i bëri vet.
“Më dhimbte i gjithë trupi, në vende që vërtet nuk e dija se ekzistonin”, ka pohuar aktorja për Entertainment Tonight.
(Foto: Instagram/jameelajamil)
“Me siguri do t'ju duhet ta censuroni këtë për mua, por unë tërhoqa një muskul në rektumin tim. As që e dija se ishte e mundur”, ka treguar tutje 36-vjeçarja.
Për këtë rol, Jamila mësoi jiu-jitsu dhe kung-fu dhe luftime ajrore, duke shtuar se ishte një hap i madh jashtë zonës së saj të rehatisë.
“Unë i bëj të gjitha marifetet e mia (në film). Dhe kjo ishte diçka që nuk e kam bërë kurrë më parë, sepse preferoj të shtrihem përreth”, ka shtuar aktorja. /Telegrafi/
