Komuna e Istogut tash disa muaj ka mbetur pa noter, derisa qytetarët duhet të udhëtojnë mbi 20 kilometra për t’i kryer shërbimet e tyre në Pejë.
Këtë shqetësim e ka shprehur edhe deputeti i Lidhjes Demokratike të Kosovës (LDK), Naser Rugova, në një nga seancat e Kuvendit të Republikës së Kosovës.
Rugova për Telegrafin tha se Ministria e Drejtësisë (MD), duhet sa më parë që t’i sjell kësaj komune noter, pasi qytetarët detyrohen që të bëjnë disa kilometra për t’i kryer shërbimet e tyre.
“Janë bërë disa muaj që Komuna e Istogut nuk ka fare noter. Unë shqetësimin tim e ngrita edhe në seancën e Kuvendit të Kosovës. Rreth 50 mijë banorë obligohen që të shkojnë në Pejë. I bëj thirrje ministrit që sa më parë që është e mundur kjo komunë të ketë noter, e jo qytetarët të bëjnë 22 km rrugë deri në Pejë”, ka thënë Rugova.
Ndërsa ministri i Drejtësisë, Abelard Tahiri, ka bërë të ditur se noterët që kanë punuar në komunën e Istogut kanë dal në pension.
Tahiri tha se për momentin qytetarët e Istogut mund t’i kryejnë shërbimet e tyre në komunën e Pejës pasi kjo ministri ka autorizuar dy noterë atje.
Ministri Tahiri sqaroi po ashtu se presin që Projektligji për noter të votohet në lexim të dytë në seancën e radhës në Kuvendin e Republikës së Kosovës, pasi, siç tha ai, ky projektligj mundëson dyfishimin e noterëve nëpër komuna të Kosovës.
“Ata që kanë qenë të angazhuar në komunën e Istogut kanë dal në pension. Deri sa të hapet konkursi për noter të ri, ne kemi autorizuar dy noterë në komunën e Pejës të cilët kryejnë shërbime për qytetarët e Istogut. Ndërsa, unë pres që javën e ardhshme të kaloj edhe në leximin e dytë projektligji për noterinë, i cili e dyfishon numrin e noterëve në Republikën e Kosovës dhe nga ai moment sapo të hyj në fuqi ligji, ne do të fillojmë me rekrutimin e noterëve të rinj. Situatë e njëjtë është edhe në komunën e Skenderajt”, tha Tahiri, për Telegrafin.
Ministri po ashtu ftoi deputetin Rugova dhe deputetët e partisë së tij, që ta votojnë këtë projektligj.
Ndryshe, sipas Ligjit aktual të Noterisë neni 8, për shtrirjen territoriale dhe përcaktimin e zyrave të noterisë thuhet se:
“Ministria e Drejtësisë përcakton shtrirjen territoriale të zyrave noteriale pas konsultimit me Odën e Noterëve, dhe në pajtim me këto parime:
1.1. do të jetë së paku një zyre noteriale për një komunë;
1.2. ky numër mund të rritet për komunat që kanë më tepër se njëzetmijë (20,000) banorë, duke marrë parasysh numrin e dokumenteve që procedohen nga zyrat noteriale përkatëse gjatë vitit”, thuhet në ligjin për noterinë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Gjendja shëndetësore e 20-vjeçarit që u ther me thikë në Ferizaj është stabile
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Dita e dytë e fushatës për zgjedhjet kuvendare, politikanët kërkojnë vota edhe në diasporë
Serwer tregon se pse Serbia i frikësohet anëtarësimit të Kosovës në Këshillin e Evropës
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Arrestimet e qytetarëve të Kosovës në kufi, analistët në Beograd: Serbia ka prekur fundin moral e politik
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Një muaj paraburgim për shqiptarin nga Kosova të arrestuar në Serbi
Kosovari i arrestuar në kufi, Serbia pretendon se ishte pjesë e luftës, mohon OVL-UÇK
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel