Ismet Munishi me fjalë motivuese për Blend Baftiun para derbit me Feronikelin

Skuadra e Ballkanit do të luajë sot në udhëtim te Feronikeli në kuadër të gjysmëfinales së Kupës së Kosovës.

Ndeshja e parë kishte përfunduar pa gola në Therandë, ndërsa sot në Drenas nga ora 16:30 do të zhvillohet përballja për të përcaktuar finalistin.

Për këtë takim, trajneri i Ballkanit, Ismet Munishi ka zgjedhur rrjetet sociale për të motivuar top-sulmuesin e tyre, Blend Baftiu.

Me anë të një̈ shkrimi në ‘Facebook’, Munishi ka shkruar se Baftiu do të mbahet në mend si djaloshi i artë i klubit të Ballkanit.

“Mund te godet shtylla deri ne fund te kampionatit , të mos shënojë asnjë gol. Por, Blendi gjithmonë do te kujtohet dhe do te mbetet ne kujtimet tona si djaloshi i Artë i kohës së Artë te klubit tonë Fc Ballkani. Sepse klasi i tij është shumë i madh”, ka shkruar ai në Facebook.

“Sepse ai ka aq shumë futboll ne vete sa gjithkush e ka të vështirë ta kuptoj. Por, ai është në duar të sigurta dhe ne klub fantastik. Forca Blendi. Forca Fc Ballkani”, thuhet më tej në postimin e Munishit.

Kujtojmë se ndeshja tjetër do të jetë ajo mes Drenicës dhe Prishtinës në Skenderaj, derisa bardhekaltrit kanë fituar 3-0 takimin e parë.

Skuadra që arrin të fitojë Kupën e Kosovës, do të kualifikohet direkt për në Ligën e Evropës. /Telegrafi/

https://www.facebook.com/photo.php?fbid=3363963793616608&set=a.103202143026139&type=3&__xts__%5B0%5D=68.ARBJEdJM5RyMFAjfiuxa-CuP9pYg9wGP6N-lbLV7ZiOVkUnUQy8R0CYkjNIFEKi7XQ1ehMIqMunmx7IEpaD2htfi4k5ocMmPom1iyfKC4MAWLiVdUmnQ44yCrukfLpPzNGOV2srU9P2XQ4L91LKsJV5lerBXfcWAYbz5lEZSpLgpi-WRkBIqb3SrxjLu9QYZe5LEardAVGd_ygEUsSQxSR8hnuQ5ouoY7uOeAWfJC_EM1AkyQ93NISXFsxT8r1yKUdResI9050TV8BsFImhV4hw28ahe13EyzEjV_00xN0GUPT3MVVaa6tQvCQEissJNSCbVRAH54wS0pawe5xBOC194kw&__tn__=H-R