Islanda vjen në Prishtinë me përzgjedhës dhe kapiteni të ri – ky i fundit thotë se do të paraqiten mirë për të marr fitore ndaj Kosovës

Së fundmi ka pasur ndryshime te Kombëtarja e Islandës dhe atë para ndeshjeve me Kosovën, ku përzgjedhës në janar u caktua Arnar Gunnlaugsson, i cili pastaj e zgjodhi si kapiteni të riun Orri Steinn Oskarsson, i cili luan te Real Socieadad.  

Islanda dhe Kosova do t’i zhvillojnë dy ndeshje për një vend në Ligën B të Kombeve. Ndeshja e parë do të zhvillohet në Prishtinë, Kosovë më 20 mars dhe ndeshja e dytë, do të zhvillohet në Murcia të Spanjës më 23 mars. 

Islanda dhe Kosova janë takuar dy herë më parë. Ishte në kualifikueset e Kampionatit Botërorit 2018, ku skuadra islandeze fitoi të dyja ndeshjet. Kosova debutoi në arenën ndërkombëtare në ato kualifikuese.  

Për 20 vjeçarin që luan në La Liga te Real Sociedad, Orri Steinn Oskarsson, do të jetë ndeshjet e para e tij si kapiten kundër Kosovës.

Orri foli për mediumet islandeze nga hoteli ku po qëndron Islanda në Spanjë dhe po përgatitet për ndeshjet e ardhshme në play-off të Ligës së Kombeve. Ai tregoi për punën me përzgjedhësin e ri, shiritin e kapitenit dhe ndeshjen me Kosovën. 

“Kapiten? Kjo është një ndjenjë e mahnitshme dhe shumë krenari. Jo të gjithë lojtarët mund ta përjetojnë këtë në karrierën e tyre. Jam shumë krenar dhe mezi pres t’i çoj djemtë përpara”.

“Përgatitjet? Në stërvitje mund ta ndjeni se ka shumë besim te djemtë. Djemtë janë të përgatitur dhe të emocionuar për fokuse të reja dhe gjëra të reja”.  

“Ndeshja ndaj Kosovës? Ndeshje shumë emocionuese. Është e rëndësishme që paraqitja të jetë e mirë dhe me paraqitjet zakonisht vijnë fitore të mira. Mendojmë se është e rëndësishme tani të përmirësohemi si ekip dhe sigurisht që do të fitojmë”, deklaroi ai. /Telegrafi/