Ish-ministrja e Jashtme shqiptare: Kosova nuk ka nevojë për “Dejton”, është njohur nga 115 shtete

Ish-zëvendësministrja e Jashtme e Shqipërisë, Edith Harxhi, ka reaguar lidhur me mundësinë e organizimit të një konference ndërkombëtare për Kosovën dhe Serbinë.

Harxhi ka thënë se Kosova s’ka nevojë për një Dejton të ri.

Ajo ka shkruar se Kosova është shtet i pavarur që është njohur nga 115 shtete të botës dhe se pavarësia është vulosur nga GJND-ja.

“Kosova nuk ka nevojë për Dejton. Kosova është shtet sovran i njohur nga 115 shtete të botës dhe pavarësia e saj është njohur nga Gjykata Ndërkombëtare e Drejtësisë. Kosova ka nevojë për burrë shteti dhe mbështetje nga SHBA dhe BE”, ka shkruar Harxhi.

Në vitin 1995 në bazën ushtarake Wright-Patterson në qytezën Dejton, në shtetin federal amerikan Ohajo, u nënshkrua Marrëveshja Kornizë e Përgjithshme për Paqen në Bosnjë e Hercegovinë, e njohur si Marrëveshja e Paqes e Dejtonit.

Me këtë dokument zyrtarisht iu dha fund pothuajse luftës 4-vjeçare ndërsa Bosnjë e Hercegovina u definua si një shtet i tre popujve konstituiv dhe të tjerëve dhe dy entiteteve – Federata e BeH dhe Republika Sërpska.

Kosova doesn’t need a Dayton. Kosova is a sovereign state recognised by 115 countries in the world and its independence is recognized by the International Court of Justice. Kosova needs statesmanship and support by US and EU. Sanctions are very misleading and counterproductive.

— Edith Harxhi (@EdithHarxhi) June 29, 2023