Corey Lewandowski, ish-menaxher i fushatës zgjedhore të presidentit të SHBA-së, Donald Trump, e ka mohuar se është lobist i Kosovës, duke e quajtur këtë si lajm të rremë.
Ai, gjatë një debati me studentët e Fakultetit të Shkencave Politike në Banja Llukë, të Republikës Serbe, tha se nuk ka qenë asnjëherë në Kosovë, por as në Shqipëri.
“Unë nuk jam lobist. Ky është një lajm i rremë. Unë kurrë gjatë jetës sime nuk kam biseduar me askënd për Kosovën. Unë kurrë s’kam qenë në Kosovë. Unë kurrë s’kam qenë në Shqipëri”, ka thënë Lewandowski, gjatë vizitës së 3 tetorit në Banja Llukë.
Në fakt, emri i tij lidhet më shumë me Republikën Serbe të Bosnjës dhe vetë Serbinë.
Corey Lewandowski ka qenë menaxher i fushatës së presidentit të SHBA-së Donald Trump, nga janari i vitit 2015 deri në qershor të vitit 2016. Vizita e tij në Banja Llukë bëhet në prag të zgjedhjeve të përgjithshme në Bosnje Hercegovinë. Ai në debat me studentët, u paraqit bashkë me kryeministren e Republikës Serbe, Zheljka Cvijanoviq, me ftesë të së cilës edhe ndodhet për vizitë në Banja Llukë.
Cvijanoviq është nga partia Aleanca Social Demokrate e Pavarur e presidentit Millorad Dodik, i njohur për lidhjet e tij të afërta me Rusinë.
Dodik është përfshirë në listën e zezë të Departamentit Amerikan të Shteteve të Bashkuara, për, siç thuhet, përpjekjet e tij për të penguar zbatimin e Marrëveshjes së Daytonit, marrëveshje kjo e cila u dha fund luftimeve në Bosnjë e Hercegovinë 25 vjet më parë.
Ky nuk është takimi i parë i Lewandowskit me kryeministren e Republikës Serbe, Zheljka Cvijanoviq. Ata u takuan më 25 korrik në Washington.
Më herët gjatë verës u raportua se Dodikut ka angazhuar kontratë lobimi me kompaninë “Twin Rocks Global”, e cila udhëhiqet nga dy ish-bashkëpunëtorë të ngushtë të Donald Trumpit, Jason Osborne dhe Mike Rubino. Këtë e ka konfirmuar vetë Jason Osborne për portalin amerikan “Mother Jones”, duke thënë se Qeveria e Republikës Serbe të Bosnjës paguan 10.000 dollarë në muaj për lobim, raporton REL.
Në statutin e kësaj kompanie shkruan se klientëve të saj iu ofrohen “udhëzime strategjike dhe këshilla për aktivitetet qeveritare të ndërlidhura me marrëdhëniet dhe publicitetin në Shtetet e Bashkuara”.
Ajo që e ndërlidh këtë kompani me Corey Lewandowskin është fakti se zyrat e Kompanisë “Twin Rocks Global”, ndodhen në shtëpinë në të cilën jeton Lewandowski, në afërsi të Kongresit Amerikan në Uashington.
Megjithatë, Lewandowski e ka mohuar se punon si lobist. I pyetur më 3 tetor në Banja Llukë nëse e përkrahë fushatën e partisë së Millorad Dodikut, ai ka thënë se nuk është me rëndësi se kë e përkrahë ai…
“Unë nuk votoj këtu, dhe kur flasim për ndërhyrjet në politikën dhe jetën e vendeve tjera, kjo nuk është rrugë që duhet shkuar. Mund të them se unë votoj në Shtetet e Bashkuara dhe votoj për Trumpin”, ka thënë Lewandowski.
Bosnja të dielën, më 7 tetor, mban zgjedhjet e përgjithshme, ndërkohë që përballet me një atmosferë tensionesh ndërmjet dy entiteteve, Federatës së Bosnjës dhe Republikës Serbe.
Ndryshe, vizita e Lewandowskit në Banja Llukë pason atë që ai zhvilloi në Beograd, në pranverën e vitit 2018, për t’u takuar me pjesëtarë të partisë, e cila udhëhiqet nga presidenti serb, Aleksandar Vuçiq.
Promo
Reklamo këtuLufta Prigozhin - Putin
Më shumëNga Rubrika
Dhoma e Tregtisë dhe Industrisë kërkon ndryshime urgjente në kalendarin e festave zyrtare – të mos pushohet në ditët e javës kur festat bien në vikend
Bastisje në Manastir, ndalohet një 48-vjeçar
PDK, LDK dhe AAK fajësojnë Qeverinë Kurti pasi Kosova shënoi rënie sa i përket lirisë së mediave
Dita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe