Ish-bashkëshortja e Dan Hayhurst akuzon Pamela Anderson se ia vodhi partnerin dhe se shkatërroi familjen e tyre

Pamela Anderson është quajtur ‘shkatërruese’ pasi dyshohet se vodhi partnerin e saj të ri nga një grua tjetër dhe prishi një familje të lumtur prej pesë vetash.

Modelja dhe aktorja akuzohet për joshjen e tashmë bashkëshortit Dan Hayhurst – me të cilin u martua në prag të Krishtlindjes – ndërsa ai punonte në pronën e saj në qytetin kanadez të Ladysmith dhe ishte në lidhje me një grua tjetër.

Të mërkurën, ish-ylli 53-vjeçar i ‘Baywatch’ njoftoi se ishte martuar me ‘truprojën’ Dan, 40 vjeç, në atë që ishte dasma e saj e gjashtë, me burrin e pestë, duke thënë: “Unë jam pikërisht aty ku duhet të jem – në krahët e një njeriu që më do mua”.

Por ish-partnerja e Danit, Carey, e cila kishte jetuar me të dhe kishte rritur dy fëmijët e tij për pesë vitet e fundit, ka treguar se si ajo ishte verbuar nga afera dhe nuk dinte asgjë për martesën e tyre derisa e lexoi atë në internet.

Ajo tha se dyshja filloi të afroheshin në fillim të vitit të kaluar – teksa ajo dhe Dan ishin ende së bashku – para se ai më në fund të largohej nga shtëpia e tyre e përbashkët e të kalonte në shtëpinë e Anderson.

Lexo po ashtu Pamela Anderson martohet me truprojën e saj, Dan Hayhurst

Carey, 42 vjeç, tha: “Kjo nuk është historia e dashurisë që po portretizohet”.

“Vendosa të flas sepse dua që njerëzit të dinë që lidhja ime gati pesë vjeçare, me tre fëmijë të përfshirë, përfundoi për shkak të lidhjes së Pamelas dhe Dan,që filloi derisa ai ishte akoma me mua”.

“Është e trishtueshme që njerëzit e festojnë këtë, marrë parasysh që filloi me mashtrime e shkatërrime të një familjeje”, vazhdon më tej ajo. /Telegrafi/