Ish-autorja e Big Brother: Adela nuk duhej të kthehej në qytetin prej nga u largua sa ishte gjallë, por të varrosej në Tiranë

Zefina Hasani, autorja e dikurshme e “Big Brother”, mendon se trupi i pajetë i Adelajda Xhamanit nuk duhej të kthehej në Kavajë, por të qëndronte në Tiranë.

Duke shprehur ngushëllimin për vdekjen e papritur të yllit televiziv që e vazhdoi karrierën si gazetare, ajo ka thënë se Adela duhej të varrosej në kryeqytet dhe jo të kthehej në qytetin prej nga u largua sa ishte gjallë.

Lexo po ashtu Dedikimi emocional i Bjordit për Adelën: Faleminderit për çdo gjë dhe më fal për çdo gjë

“Kam gjithë ditën, që po aq sa vdekja e Adelës, po më dhemb rikthimi i saj në qytetin prej të cilit, në të gjallë të vet, ajo donte të largohej me çdo kusht”.

https://www.instagram.com/p/BZrJOajAI7r

“Adela, vajza më e guximshme që ka njohur deri më sot Big Brother, që u përball me çdo paragjykim e gjykim, vetëm pse donte të ndryshonte jetën e saj, vajza që ia doli të vijë e të qëndrojë në Tiranë vetëm falë guximit, vendosmërisë e mençurisë së saj, gazetarja e re që i beri vend vetes vetëm duke punuar, pa e shitur aspak bukurinë me të cilën mrekulloi një Shqipëri të tërë, mendoj se duhej të qëndronte përgjithmonë këtu në Tiranë”.

“Prindërit kanë të drejtën absolute ta kenë pranë vetes, por Adela i përket Tiranës, që ditën kur mori rrugën drejt ‘Big Brother’, ku do të gjente portën e vetme për të hyrë në këtë qytet të madh”.

“Vdekja e mori kaq pabesisht sa s’pati kohë ta thoshte se ku do të donte të prehej”, ka shkruar mes tjerash Zefina në postimin e saj.

https://www.instagram.com/p/BZ01_rIgME7

Lexo po ashtu Kolegia e Adelës: Dy vite më parë i kishte humbur ndjenjat në zyrë, kishte frikë se sëmundja do t’i përsëritej

Më poshtë është postimi i plotë i saj në Facebook:

Adela nuk duhej te kthehej sot ne Kavaje!

Te me ndjejne familjaret e fisi i saj nese po guxoj shume, e po lajthis me kete qe po them, duke shkelur aty ku s’duhet, sidomos ne nje dite te tille, kur vdekja duhet respektuar siç e do zakoni i diktuar nga familjaret e te paret tane. Por kam gjithe diten, qe po aq sa vdekja e Adeles, po me dhemb rikthimi i saj ne qytetin prej te cilit, ne te gjalle te vet, ajo donte te largohej me çdo kusht.

Adela, vajza me e guximshme qe ka njohur deri me sot Big Brother, qe u perball me çdo paragjykim e gjykim, vetem pse donte te ndryshonte jeten e saj, vajza qe ia doli te vije e te qendroje ne Tirane vetem fale guximit, vendosmerise e mencurise se saj, gazetarja e re qe i beri vend vetes vetem duke punuar, pa e shitur aspak bukurine me te cilen mrekulloi nje Shqiperi te tere, mendoj se duhej te qendronte pergjithmone ketu ne Tirane.

Vdekja e mori kaq pabesisht sa s’pati kohe ta thoshte se ku do te donte te prehej.

Te me ndjeje dhe Adela nese po flas me shume se ç’ duhet ne emer te saj, por me aq sa e kam pare ta deshiroje Tiranen dhe jeten qe po bente ketu, me zor te madh e kam te besoj se ajo do te donte te kthehej sot ne Kavaje.

Ajo duhej te respektohej te mbetej ketu ne Tiranen qe vete e zgjodhi, pse jo dhe si simbolizimi i vajzes pa njohje e perkrahje, qe sfidon gjithçka e vetme, pa u dorezuar ne asnje rast.

Te me ndjejne dhe miqte e ngushte qe kane qendruar çdo dite me te e qe sigurisht e dijne me sakte se ç eshte me e mire per Adelen tani qe ajo s eshte me. Qofsha gabim por nuk ndenjta dot pa e thene kete qe po me dhemb fort, sot, ne diten e vdekjes qe na lendoi pa e ditur se e paskam dashur kaq fort ate vajze.

Prinderit kane te drejten absolute ta kene prane vetes por Adela i perket Tiranes, qe diten kur mori rrugen drejt Big Brother, ku do te gjente porten e vetme per te hyre ne kete qytet te madh.