“Interi ishte madhështor, por nuk na u dha një penallti e pastër” – Inzaghi ankohet në fatin e keq dhe vendimet e gjyqtarit

Simone Inzaghi lavdëroi Interin për qëndresën dhe përkushtimin e tyre në barazimin dramatik kundër Milanit (1-1), duke theksuar se ekipi i tij ishte “madhështor” duke refuzuar t’i përkulej fatit të keq.

Megjithatë, trajneri shprehu zhgënjim për një penallti që nuk iu dha Marcus Thuramit.

Interi pësoi një goditje të rëndë kur Tijjani Reijnders i dha Milanit epërsinë në pjesën e parë.

Gjatë ndeshjes, Nerazzurrit patën tre gola të anuluar për pozicion jashtë loje dhe faulle, si dhe goditën shtyllën tri herë. Sidoqoftë, në minutën e 93-të, Stefan de Vrij barazoi me një asistim nga debutuesi Nicola Zalewski.

Inzaghi vlerësoi performancën e ekipit të tij, duke theksuar se ata u përballën me shumë fatkeqësi, duke përfshirë një situatë të qartë që ishte penallti për Thuramin.

“Është e qartë se ka keqardhje, sepse ne gjithmonë duam të fitojmë, por pavarësisht gjithçkaje, ne vazhduam të luftonim”.

Simone Inzaghi tha se Interi ishte ‘madhështor’ që refuzoi t’i përkulej fatit të keq.

“Djemtë ishin të mrekullueshëm, ata shkuan përtej , por pati shumë fat të keq kundër nesh, me tre gola të anuluar, duke goditur tre herë shtyllën dhe një penallti vërtet të pastër që nuk u dha për Thuram”, deklaroi Inzaghi për Sky  Sport Italia. /Telegrafi/