Interi i gatshëm ta blejë përfundimisht Sanchezin, por kërkohet zbritje çmimi

Interi po mendojnë që ta mbyll transferimin e Alexis Sanchez nga Manchester United, ku është gati të ofrojë 20 milionë euro, që ta bëjë kilianin të vetin.

Goal.com shkuan se kiliani do të qëndrojë me skuadrën e Antonio Conte deri në fillim të gushtit, pasi i është zgjatur huazimi për disa muaj, në mënyrë që të mbyll edicionin 2019/20 në Serie A.

Sanchez duhej të kthehej në “Old Trafford” më 30 qershor, por është arritur një marrëveshje për të zgjatur qëndrimin e tij në “San Siro”, por jo edhe për pjesën e Ligës së Evropës.

Sanchez do të luajë vetëm ndeshjen ndaj Getafes, por nëse italianët kalojnë tutje ata do të marrin pjesë në fazat e fundit të garave që do të zhvillohen në Koln, Duisburg, Dusseldorf dhe Gelsenkirchen, që fillon nga 10 gushti.

Por duket se Interi nuk kanë hequr dorë nga shpresa për të ndryshuar mendjen e Manchester United, megjithëse duket se “Djajtë e Kuq” nuk do të largohen nga kërkesa e parë.

Marrëveshja ishte që Interi të nënshkruante me Sanchez për 25 milionë euro, ndërsa CEO Giuseppe Marotta tani është i sigurt se mund të arrihet për 20 milionë euro. /Telegrafi/