Instituti “Octopus”: Terroristët e sulmit në Banjskë të përballen me drejtësinë e Kosovës

Instituti për Studime të Luftës Hibride “Octopus”, ka përmendur sërish sulmin e 24 shtatorit 2023 në Banjskë, ku mbeti i vrarë rreshteri policor Afrim Bunjaku.

“Octopus” ka ritheksuar se është e rëndësishme që terroristët e përfshirë në këtë sulm të sillen para drejtësisë në Kosovë.

“Instituti Octopus rithekson rëndësinë thelbësore që terroristët e përfshirë në agresionin e Serbisë më 24 shtator 2023 të sillen para drejtësisë së Kosovës”, thuhet në njoftimin e tyre.

Instituti gjithashtu ka bërë thirrje që Serbia të sanksionohet për përfshirjen e saj në këtë sulm.

“Serbia të sanksionohet për shkeljen e sovranitetit dhe integritetit territorial të Kosovës”, thuhet më tej në njoftim.

Në shtator, një grup serbësh të armatosur sulmuan Policinë e Kosovës në Banjskë, duke vrarë një zyrtar policor. Gjatë përleshjeve, u vranë edhe tre sulmues. Kosova e fajësoi Serbinë për sulmin, por Beogradi mohoi çdo përfshirje.

Përgjegjësinë për sulmin terrorist e mori Millan Radoiçiq, ish-nënkryetari i Listës Serbe – partisë kryesore të serbëve në Kosovë, që gëzon mbështetjen e Beogradit zyrtar. /Telegrafi/

The Octopus Institute reiterates the crucial importance that the terrorists involved in the aggression of Serbia on September 24, 2023 be brought to Kosovo justice and that Serbia be sanctioned for the violation of the sovereignty & territorial integrity of Kosovo. 📷 France 24 pic.twitter.com/3VGed3JglM

— Octopus Institute (@iskhoctopus) January 25, 2024