Imazhi i ri i publikuar zbulon se Galaxy S20 Ultra do të ketë kamerë me zmadhim optik 100x

Rrjedhjet e Galaxy S20 po rritin ritmin ndërsa numërojmë ditët në ngjarjen tjetër Unpacked të Samsung.

Dihet tashmë shumë për serinë e re të Samsung dhe konceptet CAD të zbuluar më parë gjithashtu na kanë dhënë një ide të përgjithshme se si mund të duket.

Është folur shumë për kamerën e re, veçanërisht për vendosjen në Galaxy S20 Ultra, i cili do të jetë modeli më i lartë.

Një imazh i ri është zbuluar në internet i cili siç duket tregon se si do të duket përbërja e kamerës në Galaxy S20 Ultra.

Specifikat e kamerave përfshijnë kamerën e re fillestare 108 megapikselë të shoqëruar me një telefoto 48 megapikselë dhe sensorin ultra të gjerë 12 megapikselë.  Samsung do të përdorë një teknologji të re për të lejuar zmadhimin optik më të lartë në këtë seri.

Sidoqoftë, Galaxy S20 Ultra thuhet se është i vetmi në seri që ofron një zmadhim optik mbresëlënës 10x dhe një zmadhim dixhital deri në 100x.

Kjo është ajo që sugjeron edhe imazhi i rrjedhur i konfigurimit të kamerës Galaxy S20 Ultra.

Mbetet të presim deri në ngjarjen Unpacked, për të parë nëse imazhi i rrjedhur është legjitim. /Telegrafi/