Trajneri i Argjentinës, Jorge Sampaoli, ka thënë se Dario Benedetto do të luajë nga minuta e parë, pasi Mauro Icardi, është duke u kuruar nga një dëmtim.
Sergio Aguero po ashtu është lënduar pas një aksidenti me veturë, ndërsa sulmuesi i Juventusit, Gonzalo Higuain, vazhdon të injorohet nga trajneri.
“Ai [Icardi] ka ardhur me një problem fizik, që e ka të trashëguar që nga koha kur ishte në turne në Australia”.
“Ai në ditët e fundit është ndjerë jo mirë dhe ka pasur dhimbje në stërvitje”.
“Mund ta shohim Benedetton si numër 9 në ndeshje”, ka thënë trajneri i Argjentinës.
Argjentina do të luajë të premten në mëngjes me Perunë dhe fitorja është e domosdoshme.
Argjentinasit janë në pozitë të vështirë pasi mbajnë vendin e pestë dhe fitorja me Perunë do tu jepte qetësi. /Telegrafi/
