LAJMI I FUNDIT:

Ibrahimi: Paga e mbetur e minatorëve të kombinatit ‘Trepça’ do të paguhet nesër

Ibrahimi: Paga e mbetur e minatorëve të kombinatit ‘Trepça’ do të paguhet nesër
-->

Kryeshefi ekzekutiv i ndërmarrjes “Trepça”, Basri Ibrahimi, në një prononcim për Telegrafin ka thënë se paga e mbetur e minatorëve do të paguhet nesër.

Ibrahimi këtë vonesë të pagës e ka arsyetuar me mungesë të përkohshme të mjeteve financiare.

“Paga e mbetur e minatorëve do të paguhen nesër. Për momentin kemi pasur mungesë të mjeteve financiare, pasi që e kemi shitur një pjesë te koncentratit dhe kemi pritur që të na lëshohet pagesa. Ky problem është i trashëguar dhe jemi duke punuar që ta tejkalojmë”, tha Ibrahimi.

Ndërsa, kryetari i Sindikatës së Punëtorëve të Trepçës, Shyqyri Sadiku, ka thënë se minatorët janë në pritje të pagës.

“Është e vërtet që paga është vonuar. Ne si Sindikatë jemi duke pritur që minatorëve t’iu paguhet paga e mbetur”, tha Sadiku.

Punëtorëve të Trepçës ende nuk iu del paga, sindikata në pritje
Lexo po ashtu Punëtorëve të Trepçës ende nuk iu del paga, sindikata në pritje

Edhe në muajin mars të këtij viti, punëtorët e kombinatit ‘Trepça’ kanë pasur vonesa në marrjen e pagave. Mirëpo, me intervenimin e Ministrisë së Zhvillimit Ekonomik, pagat e mbetura ishin paguar. /Telegrafi/