Humori i Ilir Prapashticës vjen në Cyrih: Performanca e parë në “Zurich Shqip Up Comedy”

Aktori i njohur i humorit, Ilir Prapashtica, do të jetë një nga aktorët pjesëmarrës në edicionin e sivjetmë të festivalit “Zurich Shqip Up Comedy”, i cili do të mbahet në Zvicër më 18 dhe 19 tetor 2024.

Prapashtica, i cili njihet për rolet e tij ikonike si Longari, Laluku, dhe veçanërisht Xhaviti, do të ngjitet në skenë në natën e parë të festivalit më 18 tetor.

Në një mesazh humoristik dhe të ngrohtë, Prapashtica u drejtua fansave të tij duke thënë: “Unë jam Ilir Prapashtica! Disa më njohin si Longari, dikush si Laluku, e shumica si Xhaviti. Shokët e mi më thërrasin Ilir baba, çka me ba? Dojnë një ditë me më bë baba, por unë jam duke prit dikush të vijë të më marrë. Për të gjithë ata që kanë qejf të qeshin, hajdeni më 18 dhe 19 tetor në Cyrih, në festivalin ‘Zurich Shqip Up Comedy’, ku do t’ju pres me plot humor. Por ju lutem, mos e lini për në minutën e fundit, merrni biletat më herët!”.

View this post on Instagram

A post shared by ShqipUpFestival (@shqipupfestival)

Festivali “Zurich Shqip Up Comedy” këtë vit do të zhvillohet për herë të parë në dy netë në sallën e njohur “Stadthalle Dietikon” në Cyrih. Pjesëmarrësit do të kenë mundësinë të shijojnë humorin e aktorëve të njohur shqiptarë që do të sjellin në skenë batuta dhe komedi të freskët. Përveç Ilir Prapashticës, festivali do të mirëpresë edhe shumë artistë të tjerë të humorit shqiptar.

Biletat për festivalin janë tashmë në shitje, dhe ju mund t’i siguroni ato duke klikuar këtu, ose mund të bëheni pjesë e lojës shpërblyese të Telegrafit për të fituar dy bileta falas dhe të ndiqni festivalin nga afër.

Një event që premton shumë të qeshura dhe argëtim, mos e humbisni mundësinë për të qenë pjesë e këtij festivali të veçantë! /Telegrafi/

View this post on Instagram

A post shared by SHOKU YT I NEJAVE (@telegrafievents)