LAJMI I FUNDIT:

Horror në një resort në Meksikë, burra të armatosur vranë shtatë persona, përfshirë një fëmijë

Horror në një resort në Meksikë, burra të armatosur vranë shtatë persona, përfshirë një fëmijë

Të paktën shtatë persona kanë gjetur vdekjen, duke përfshirë një fëmijë, kur persona të armatosur hapën zjarr në një resort në Meksikë të shtunën, sipas autoriteteve lokale.

Një dëshmitar okular i sulmeve u tha autoriteteve lokale se njerëzit e armatosur kishin mbërritur në resort dhe kishin hapur zjarr rreth orës 16:30 – sipas kohës lokale të shtunën, përcjell Telegrafi.

Ushtria meksikane dhe forcat e sigurisë janë vendosur për të kërkuar personat e armatosur pas sulmit, i cili ndodhi në qytetin Cortazar në shtetin qendror të Guanajuato.

Kur forcat lokale të sigurisë mbërritën në vend, ata gjetën trupa të pajetë, duke përfshirë një fëmijë më të vogël se shtatë vjeç, dhe gëzhoja, tha qeveria komunale në një deklaratë.

Përveç shtatë të vdekurve, një person u plagos rëndë dhe u dërgua në spital.

Deri më tani, nuk është bërë asnjë arrestim dhe autoritetet thonë se janë ende duke hetuar motivin.

Guanajuato është një qendër kryesore bujqësore dhe prodhuese dhe vend prodhimi për shumë prej prodhuesve më të mirë të makinave në botë.

Megjithatë, ajo ka një reputacion për incidente të dhunshme dhe është tronditur vitet e fundit nga luftërat brutale në terren midis bandave rivale të drogës.

Ky rajon është tërheqës për kartelet e drogës për të njëjtën arsye që është për prodhuesit e automjeteve: sepse rrjetet rrugore dhe hekurudhore që të çojnë drejt e në kufirin e SHBA. /Telegrafi/

Në trend Botë

Më shumë
Zbulohet se sa do të jetë

Zbulohet se sa do të jetë "kostoja ditore" nga shembja e urës në Baltimore

Amerika
Kievi pretendon se ushtrisë së Putinit i janë shkaktuar humbje të mëdha, japin detaje për makinerinë dhe personelin ushtarak

Kievi pretendon se ushtrisë së Putinit i janë shkaktuar humbje të mëdha, japin detaje për makinerinë dhe personelin ushtarak

Evropa
Edhe Lukashenko i Bjellorusisë vjen me një pretendim rreth sulmit në Moskë

Edhe Lukashenko i Bjellorusisë vjen me një pretendim rreth sulmit në Moskë

Botë
ISIS vjen me një kërcënim të ri për Putinin

ISIS vjen me një kërcënim të ri për Putinin

Botë
“Pallatet lundruese”: Pesë nga superjahtet më të shtrenjta në botë

“Pallatet lundruese”: Pesë nga superjahtet më të shtrenjta në botë

Botë
Një baba i tre fëmijëve nga El Salvadori në mesin e gjashtë të zhdukurve si pasojë e shembjes së urës së famshme në Baltimore

Një baba i tre fëmijëve nga El Salvadori në mesin e gjashtë të zhdukurve si pasojë e shembjes së urës së famshme në Baltimore

Amerika
Kalo në kategori