Hero brenda fushe dhe jashtë saj – Ronaldon ndihmon Pink për fëmijët në nevojë

Këngëtarja amerikane Pink është protagoniste e një fushate solidariteti për Krishtlindje dhe i ka bërë një kërkesë shumë të veçantë sulmuesit të Manchester United, Cristiano Ronaldo, përmes llogarisë së tij në Twitter.

Po çfarë kërkon ajo nga ylli portugez? Dy nga fanellat e tij për disa fëmijë që mbështet. Gjithçka u zhvillua në sytë e publikut, në rrjetet e tyre sociale. Pink thërret, përgjigjet Cristiano Ronaldo.

https://twitter.com/Pink/status/1463768927746473987?ref_src=twsrc%5Etfw%7Ctwcamp%5Etweetembed%7Ctwterm%5E1463768927746473987%7Ctwgr%5E%7Ctwcon%5Es1_&ref_url=https%3A%2F%2Fnoa.al%2Flajmi%2F2021%2F11%2F2279037.html

Këngëtarja e njohur amerikane përmes një postimi në Twitter i ka bërë thirrje kampionit portugez: “Hej Cristiano! Këtë vit po sponsorizoj dy fëmijë për Krishtlindje, që nuk duan asgjë më shumë se një fanellë tënden”.

“Nuk kanë shumë kërkesa, por unë jam e vendosur ta realizoj dëshirën e tyre. A mendon se mund të m’i dërgosh dy fanellat dhe të ndihmosh në ndryshimin e jetës së tyre? E di që ju bëni gjëra të mrekullueshme, por…”, – ishte mesazhi i Pink.

https://twitter.com/Pink/status/1464276021889286155?ref_src=twsrc%5Etfw%7Ctwcamp%5Etweetembed%7Ctwterm%5E1464276021889286155%7Ctwgr%5E%7Ctwcon%5Es1_&ref_url=https%3A%2F%2Fnoa.al%2Flajmi%2F2021%2F11%2F2279037.html

Përgjigja e CR7 nuk vonoi: “Përshëndetje Pink, jam i lumtur që mund t’ju ndihmoj. Unë do t’iu dërgoj dy djemve disa fanella me autograf, nuk ka problem. Urime që e bëre të mundur këtë”.

Ky shkëmbim fjalësh përmes rrjetit të famshëm social krijoi një revolucion të madh te fansat e të dy figurave të njohura, të cilat ishin shumë krenare për gjestin e madh të solidaritetit, sepse këta fëmijë mund të realizojnë ëndrrën e tyre. /Telegrafi/