Eden Hazard pak orë më parë është prezantuar si futbollisti i ri i Real Madridit.
Belgu është prezantuar para tifozëve në Santiago Bernabeu me fanellë të Real Madridit.
Por edhe pse kishte vesh fanellën e Los Blancos, Hazard nuk kishte numër në të.
Në Spanjë po qarkullojnë zërat se Hazard do ta marrë fanellën me numër shtatë që aktualisht mbahet nga Mariano Diaz.
Dëshira e madhe e belgut ishte ta marrë numrin 10 në fanellë, por duket se këtë dëshirë nuk do t’ia plotësojë Modriç.
Ka qenë vetë Hazard që ka konfirmuar se ka biseduar me Modricin dhe i ka kërkuar fanellën me numrin 10, por që është refuzuar nga kroati.
“Pata fatin të flisja me Modriç nëpërmjet Kovaçiç. Duke qeshur i thashë nëse do të më linte të lirë numrin 10, por më tha jo”, deklaroi Hazard.
Gjithsesi belgu thotë se nuk i intereson shumë numri që do ta bartë në fanellë.
“Për mua nuk është i rëndësishëm numri, e rëndësishme është të luaj me këtë fanellë dhe këtë stemë. Tani duhet ta kërkojë një tjetër numër”, u shpreh sulmuesi belg.
Hazard iu bashkua Real Madridit nga Chelsea për 100 milionë euro. /Telegrafi/
