Harry Styles dëgjon muzikë me kufje me tela, mes spekulimeve për albumin e tij të katërt

Harry Styles është parë në Londër duke dëgjuar muzikë me kufje me tela, duke nxitur spekulime për albumin e tij të katërt shumë të pritur.

Fansat e kanë quajtur projektin e ardhshëm “HS4” dhe kanë pritur me padurim një përditësim, pasi Harry ka qenë i rezervuar për detajet që nga viti i kaluar.

Ndërsa këngëtari 31-vjeçar shëtiste rrugëve të Londrës, veshur me një kombinim të stiluar, fansat spekuluan nëse ai po dëgjonte mostra të këngëve të tij të reja, shkruan DailyMail.

Në një intervistë të mëparshme për “Rolling Stone”, Harry kishte konfirmuar se kishte nisur punën për albumin e ri, por deri tani nuk ka dhënë ndonjë datë specifike për publikimin.

Gjatë vitit të fundit, ai është parë në shoqërinë e artistëve si Olivia Dean, Fred Again dhe Florence Welch, duke nxitur thashethemet për bashkëpunime të mundshme.

Me kalimin e tre viteve nga albumi i tij i fundit “Harry’s House” (2022), fansat po presin me padurim një projekt të ri, duke qenë se ai nuk ka kaluar kurrë më shumë se tre vite pa publikuar muzikë të re.

Pavarësisht mungesës së një njoftimi zyrtar, spekulimet rreth “HS4” janë më të forta se kurrë, dhe me shfaqjet e fundit të Harry-t në Londër, duket se projekti i ri është më afër se sa mendohej. /Telegrafi/