Harry Kane me një kërkesë banale në ndeshjen ndaj Bosnjës, por Southgate e refuzoi atë

Golashënuesi më i mirë në historinë e Kombëtares së Anglisë, Harry Kane, shënoi një gol në fitoren ndaj Bosnje-Hercegovinës 3-0, por donte ta bënte më herët në ndeshje, ndërsa ishte ende i ulur në stol.

Anglia mposhti Bosnjën dhe Hercegovinën me tre golat që u shënuan në gjysmë orën e fundit të ndeshjes.

Në minutën e 60-të u akordua penallti për Anglinë, kur Cole Palmer realizoi për t’i dhënë epërsinë Tre Luanëve.

Por golashënuesi më i mirë në historinë e Anglisë, Harry Kane, i kërkoi menjëherë trajnerit Southgate që ta fuste në lojë për të ekzekutuar penalltinë.

Dashuria e Kane për shënimin e golave ​​dhe llogaritjen e statistikave është e njohur dhe këtë herë ishte e rëndësishme për të që të shënonte një penallti ndaj Bosnjës.

Trajneri Southgate nuk e lejoi atë dhe e futi në lojë menjëherë pas shënimit të golit. Ai foli për gjithçka në një deklaratë për BBC.

Lexo po ashtu Anglezët luajtën kundër Bosnjës me një formacion që nuk ishte parë për 30 vjet, Southgate tregoi pse mori këtë vendim

“Plani ynë ishte që Kane të luante gjysmë ore dhe ai do të fillonte ndeshjen e së premtes kundër Islandës. Ai kishte guximin të kërkonte të vinte në lojë dhe të ekzekutonte një penallti, por nuk kishte asnjë mënyrë që unë ta lija ta bënte këtë”.

“Gjëja e rëndësishme është se ne kemi kaluar në ditët e fundit pa asnjë problem”, deklaroi Southgate. /Telegrafi/